Саха тылын, литературатын уонна култууратын учууталларын II өрөспүүбүлүкэтээҕи сийиэһэ 2022 сыл сэтинньи 22-24 күнүгэр Дьокуускай куоракка Саха АССР тэриллибитэ 100 сылын, саха суругун-бичигин төрүттээччи С.А. Новгородов төрөөбүтэ 130 сылын, Саха Өрөспүүбүлүкэтин "Тыллар тустарынан сокуон" ылыллыбыта 30 сылын көрсө ыытылынна.
Сийиэс сүрүн сыалын ситиһэргэ үлэлээбит түһүлгэлэргэ дэлэгээттэр саха тылын, литературатын уонна култууратын кэнчээри ыччакка тиэрдэр, сайыннарар туһугар этиилэрин тиэртилэр, түмүк докумуон тула кэпсэтиигэ кытыннылар.
Сийиэс, наҕараадалааһынынан түмүктэннэ. В.В. Скрябин аатынан Чүүйэ орто оскуолатын саха тылын уонна литературатын учуутала Охлопкова Александра Николаевна Саха Өрөспүүбүлүкэтин Ил Түмэнин бэрэссэдээтэлин бастакы солбуйааччы Жирков Александр Николаевич махтал суругун тутта. Александра Николаевнаҕа өр кэмнэргэ кыһамньылаах үлэтин иһин махтал уонна эҕэрдэ тылларын этэбит!
Мэҥэ Хаҥалас улууһун дэлэгээттэрэ түмсүүлээхтэрин, тэрээһиннээхтэрин көрдөрдүлэр, санаа атастастылар, этиилэрин эттилэр.
Сахабыт тыла сайыннын! Омукпут тыына уһаатын!
Ольга Обутова, информационнай-методическэй отдел кылаабынай специалиһэ









|