Муус устар 27 күнэ – Саха сирин судаарыстыбаннаһа атаҕар туруутугар ураты, икки төгүллээн бэлиэ түгэн.

Бу күн 1922 сыллаахха Саха АССР төрүттэммитэ. Оттон 1992 сыл муус устар  27 күнүгэр Саха Өрөспүүбүлүкэтин Төрүт сокуона күүһүгэр киирбитэ.

Саарбаҕа суох, бу сааскы күн өрөспүүбүлүкэбитигэр сүүнэ суолталаах. Бүгүн биһиги кинини төрүттээччилэри – Платон Ойуунускайы, Максим Аммосовы, Исидор Бараховы уонна кинилэри кытта Мэҥэ Хаҥалас улууһун кэскилин туһугар үлэлээбит дьону дириҥ ытыктабылынан ахтабыт.

Ытыктабыллаах кэнчээри ыччаты иитиигэ бииргэ үлэлии сылдьар биир дойдулаахтарым!

 Эһигини барыгытын ис сүрэхпиттэн уруйдаан-айхаллаан, үөрэн-көтөн, долгуйан туран Саха Өрөспүүбүлүкэтин күнүнэн эҕэрдэлиибит!

 Сахабыт сирэ чэчирии сайдарын туһугар бары биир санаанан сомоҕо буолуоҕуҥ!

Мэҥэ Хаҥалас үөрэҕириитин салалтатын начаалынньыга Ирина Плотникова