Ытыктабыллаах педагогическэй үлэ бэтэрээннэрэ, кэллиэгэлэр!

Саргылаах саҥа 2026 сыл салаллан кэлбитинэн ис сүрэхпититтэн итиитик-истиҥник эҕэрдэлиибит!

Ааһан иһэр сылга өрөспүүбүлүкэбит уонна улууспут үөрэҕириитин тиһигэр элбэх бэлиэ түгэннэрдээх сыл буолар. Улууспутугар мэтэдьиичэскэй сулууспа тэриллибитэ 85 сылын туолла. Педагогическэй кэллэктииптэргэ үөрэх хаачыстыбатын тупсарыыга, педагогтар идэлэринэн уонна мэтэдьиичэскэй таһымнарын үрдэтиигэ туһуламмыт элбэх хайысхалаах үлэ ыытылынна..

Сыл устата үөрэх тэрилтэлэрэ, педагогтарбыт, салайааччыларбыт уонна үөрэнээччилэрбит ситиһиилэринэн биһигини үөртүлэр, улууспут, өрөспүүбүлүкэбит аатын киэҥ Арассыыйаҕа тиийэ дорҕоонноохтук ааттаттылар, төрөөбүт дойдуларын чиэһин көмүскээтилэр.

Үөрэх тэрилтэлэригэр материальнай-техническэй базаны саҥардыы, оҕо сайыҥҥы сынньалаҥын тэрийии, педагогтар маастарыстыбаларын үрдэтии, сонун хайысхалаах үөрэх тэрилтэлэрин өйөөһүн курдук дьаһаллар үтүө түмүктэрдээхтэр.

Үүнэр сылга улууспутугар оскуола иннинээҕи үөрэхтээһин 100 сылын бэлиэтиэхпит. Бу бэлиэ даатаҕа сөп түбэһиннэрэн Арассыыйа үөрэҕириитин министиэристибэтэ Оскуола иннинээҕи үөрэхтээһин сылын биллэрбитэ кэрэхсэбиллээх уонна икки бүк эппиэтинэстээх.

Ытыктабыллаах кэллиэгэлэр!

Кэлэр сылбыт чаҕылхай түгэннэринэн уонна үтүө дьыалаларынан баай буоллун, саҥа кыахтар арылынныннар, саҥа ситиһиилэр тосхойдуннар!

Хас биирдиигитигэр уонна бары чугас дьоҥҥутугар чөл туругу, байылыат олоҕу, баҕа санаа туолуутун баҕарабыт.

Саҥа дьылынан, күндү доҕоттор!

Үөрэҕирии салалтатын начаалынньыга

Плотникова И.М.

Үөрэх үлэһиттэрин боропсойууһун улуустааҕы

территориальнай тэрилтэтин бэрэссэдээтэлэ

Скрябин И.М.