Кулун тутар 5 күнүгэр бүтүн Россиятааҕы күрэх улуустааҕы түһүмэҕэ “Сүрэҕим сылааһын оҕолорго аныыбын” маанылаах Мөҥүрүөн нэһилиэгэр Матта орто оскуолатыгар ыытылынна. Сылын аайы ыытыллар күрэх сүрүн сыалынан-соругунан, төһө кыалларынан эбии үөрэхтээһин педагогун үлэтин киэҥ араҥаҕа билиһиннэрии, биллэн туран уопут атастаһыыта, салгыы сайдарга, үүнэргэ аналлаах эйгэни тэрийии буолар. Быйылгы күрэххэ эбии үөрэхтээһин сайдыытыгар кылааттарын киллэрсэр эдэр кэскиллээх коллегаларбыт Попова Эльвира Васильевна (“Оҕо техничэскэй дьоҕурун сайыннарар киин” “Архитектура уонна дизайн” куруһуогун салайааччыта), Аталларова Марфа Дмитриевна, (“Егор Дмитриевич Кычкин аатынан Матта орто оскуолатын” ырыа куруһуогун салайааччыта), Баишев Сарыал Суор Уола (“Үөрэтэр-онорор таһаарар киин” “Күлүм” куруһуогун салайааччыта), Егорова Сардаана Николаевна (“Кэрэли” эбии үөрэхтээһин киинин педагога) кыттыыны ыллылар.

Күрэх кыттааччылара күн устата идэ таһымын, маастарыстыбаны арыйыыга аһаҕас дьарыгы көрдөрдүлэр, бырайыактааһыҥҥа хамаанданан айар куонкурска үлэлээтилэр, педагогическай ситуациялары быһаардылар, боппуруостарга эппиэтээтилэр.

Күрэх түмүгүнэн:

Лауреат 1 степени - Попова Эльвира Васильевна;

Лауреат 2 степени - Баишев Сарыал Суо Уола;

Лауреат 3 степени - Аталларова Марфа Дмитриевна;

Муҥутуур кыайыылааҕынан Егорова Сардана Николаевна буолла.

“Сүрэҕим сылааһын оҕолорго аныыбын” бүтүн Россиятааҕы күрэх улуустааҕы этаабын кыттыылаахтарыгар истиҥ махталбытын биллэрэбит!

Күндү биир идэлээхтэрбит, баҕарабыт эһиэхэ инникитин өссө үрдүк кирбиилэри дабайан, саҥа методикалары, технологиялары баһылаан түбүктээх үлэҕит түмүктээх буолуон, оҕо дьоҕурун сайыннарар, инники идэтигэр суолу ыйар махталлаах үлэҕитигэр ситиһиилэр сиэттиһэн кэлэ турдуннар!

Күрэх кыайыылаахтарын истиҥник эҕэрдэлиибит! Быйыл ыытыллар өрөспүүбүлүкэтээҕи күрэххэ улуус чиэһин ситиһиилээхтик көмүскүүргүтүгэр ыҥырабыт.