Бэс ыйын 6-10 күннэригэр Дьокуускай куоракка сыллата ыытыллар Бүтүн Россиятааҕы Президент күрэҕэр республикатааҕы этабыгар Мэҥэ-Хаҥалас улууһун Иван Гаврильевич Тимофеев аатынан Майа лиссиэйин 8.2 кылаас коллектива кыттан кыайыы өрөгөйүн аҕалла. Хамаанда барыта 4 этабынан Уус-Алдан, Горнай, Нам улууһун спортсменнарын кытта илин-кэлин түсүһэн инники күөҥҥэ таҕыста. Үс көрүҥ түмүгэр многоборьеҕа-1 миэстэ, чэпчэки атлетикаҕа-2 миэстэ, бэйэни билиһиинэриигэ- 1 миэстэ, өй күрэҕэр -1 миэстэ. Биирдилээн көрүҥнэргэ многоборьеҕа (тардыныы, анньыныы, имигэһи бэрэбиэркэлээһин, миэстэттэн ырааҕы ыстаныы, пресс хачайдааһына) уолаттарга абсолютнай чемпион Неустроев Кеша буолла, Ильин Артем, Оконешникова Настя 3 миэстэни ылары ситистилэр. Уопсай түмүккэ бу хамаанда Республика чиэһин көмүскүү аны күһүн Анапаҕа баран кыттар быраабы ылла.

Николай Бугаев