2019 с. сэтинньи 23 күнүгэр Ходоро нэһилиэгин сынньалаҥ киинигэр оскуола оҕолорун 20-с республикатааҕы «Саха КВН» оонньууларын улуустааҕы күрэҕэ буолан ааста.

Күрэхтэһии «Cаха КВН» хамсааhынын салгыы сайыннарар, саха ыччата төрөөбүт тылын туттар эйгэтин кэҥэтэр, илин эҥэрдээҕи Саха КВН оонньууларыгар кыттар хамаандалары сүүмэрдиир сыаллаах-соруктаах ыытылынна.

Оонньуу сүрүн тэрийээччилэринэн буоллулар: Мэнэ-Ханалас улууһун үөрэҕириигэ салалтата, улуустааҕы дьиэк кэргэн уонна ыччат дьыалатын салалтата, Кэрэли улуустааҕы оҕону эбии үөрэхтээһин киинин иһинэн “Мэнэ кэскилэ” улуустааҕы оҕо хамсааhына.

Быйылгы күрэххэ улууспут 13 саамай бэрт бэтиэхэлээх, булугас өйдөөх, түмсүүлээх хамаандалара кыайыылаах ааты ылаары кииристилэр: “Киэсэ сиэттэрэ” (Кеша Алексеев аатынан Хаптаҕай орто оскуолата), “Абытайдар” (Е.Д.Кычкин аатынан Матта орто оскуолата), “Кытылга” (В.П. Ларионов аатынан Майа орто оскуолата), “Чурукушки” (В.Н. Оконешников аатынан Павловскай орто оскуолата), “Тыа дьоно” (А.С. Шахурдин аатынан Төҥүлү орто оскуолата), “Дьүкээбил” (Моорук орто оскуолата), “Чаҕыл” (Ф.Г.Охлопков аатынан Майа орто оскуолата), “Чээ оҕолор”, “Үчүгэйдэр” (А-Бэстээх 2 дээх орто оскуолата), “Харанаҕа тыгар сулустар” (С.З.Борисов аатынан Тыыллыма орто оскуолата), “Тэбэнэттэр” (Дм.Таас аатынан Хорообут орто оскуолата), “Скрябин сулустара” (В.В.СКрябин аатынан Чүүйэ орто оскуолата), “Табагинские чикули” (Р.А.Бурнашев аатынан Табаҕа орто оскуолата).

Оонньуу үс түһүмэҕинэн барда: «Эҕэрдэлэһии» - тиэмэтэ «Барыта бэйэбититтэн саҕаланар», «Көннөрү ыйытынньык», “Дьиэтээҕи сорудах”- тиэмэтэ “Сэкириэккин киэмиэхэ да этиэм суоҕа” (билэр айымньым сюжетыттан). Тыҥааһыннаах киирсии түмүгүнэн кыайыылаах урдук аатын эрэллээхтик “Абытайдар” (Матта орто оскуолата) суктэ, иккис миэстэҕэ «Чаҕыл» (Ф.Г. Охлопков аатынан Майа орто оскуолата) хамаандата таҕыста, үһүс бириистээх элбэҕи эрэннэрэр “Чукурушки” (В.Н.Оконешников аатынан Павловскай орто оскуолата) миэстэҕэ тигистилэр. Күрэх түмүгүнэн анал ааттар иҥэрилиннилэр: «Көрдөөх көкөт» - Слава Тарскай  (“Кытылга” В.П.Ларионов аатынан Майа орто оскуолата), “Күн күлүүк” – Мордовская Динара (“Тыа дьоно” Төҥүлү орто оскуолата).

Кыайыылаахтар кубоктарынан, ыччат уонна дьиэ кэргэ салалтатын анал сертификаттарынан, “Мэник Мэҥэлэр” хамаанда (сал.Гаврильева Л.И.) туруорбут принтерынан наҕараадаланан үөрэн-көтөн тарҕастылар.

Ахсынньы ыйга Таатта улууһугар ыытыллар илин эҥэрдээҕи “Саха КВН” оонньууларыгар биһиги улуустан "Абытайдар", “Чаҕыл” уонна “Чукурушки” хамаандалара салгыы кыттыыны ылыахтара.

Монастырева М.Д., “Мэнэ кэскилэ” улуустааҕы 

оҕо общественнай хамсааhынын көҕүлээччитэ