Олунньу ый 25-27 күннэригэр Амма улууһун Амматааҕы “Хатыҥчаана” оҕону сайыннарар киин - оҕо саадыгар оҕо уһуйааннарыгар үлэлиир Форум мужчин педагогов буолан ааста. Бу Форум 2012 с ИРО и ПК оскуола иннинээҕи үөрэтэр салаатын Троева Елена Дмитриевна көҕүлээһининэн тэриллибит. Быйылгы Форуму куратор дошкольнай кафедра доцена Слепцова МН иилээн саҕалаан үлэлэттэ. Быйылгы Форумҥа уопсайа 25 педагог кыттыыны ылла - Таатта, Чурапчы, Сунтаар, Үөһээ Булуу, Нам, Верхоянскай, Сунтаар, Мэҥэ-Хаҥалас, Амма, Дьокуускай куораттан. Мэнэ - Хаҥаластан икки эр киһи педагог -  Майа “Сардаана” детсад музыкальнай салайааччыта Попов Сергей Иванович уонна Хара “Кэрэчээн” оҕо саадын физкультурнай инструктора Макаров Иван Исаевич кытыннылар.

Бастакы күн - 12 педагог араас темаларга мастер - кыласстары ыыттылар. Амма саҥа спортивнай тутууларын көрдүлэр, төрөппүттэр хамаандаларын кытта Көрдөөх старт тэриллэн, Форум кыттыылаахтара 8-1 ахсаанна кыайан бастакы күнү бэрт таһаарыылаахтык түмүктээтилэр.

Иккис күн - «Я педагог» профессиональнай конкурс 4 түһүмэҕинэн ыытылынна. 8 кыттааччы бэйэни билиһиннэрии, дьарык ыытан, мастер-кыласс ыытан, педагогическай проектарын уонна творческай презентация кэпсээн күөн көрүстүлэр. Түмүккэ 7 анал ааты уонна 1 кыайыылааҕы таһааран, Бөтүн нэһилиэгэр Форум кыттыылаахтарын күүһүнэн тэриллибит акция кэнсиэргэ үөрүүлээх быһыыга эттилэр. Кыайыылаах үрдүк аатын Геннадий Иванов, Сунтаар улууһун «Чебурашка» оҕо саадын иитээччитэ буолан, Республикатааҕы «Воспитатель года 2019ү курэххэ кыттар быраабы ылла. Мэҥэ -Хаҥаластан бу конкурска Майа «Сардаана детсад музыкальнай салайааччыта Попов Сергей Иванович кытынна. «Бастыҥ мастер- кыласс» анал аат кыайыылааҕа буолла. Конкурс тэрийээччилэрэ Сергей Иванович үрдүк методическай таһымнааҕын бэлиэтээтилэр.

Кэнсиэри Сунтаартан сылдьар ини - бии Ивановтар Герман уонна Геннадий бэрт сэргэхтик ыыттылар. Форум эр дьоно дэгиттэр талааннарынан олохтоох дьон махталын ылыахтарын ыллылар. Кэнсиэртэн киирбит харчыны оҕо саадын үлэһитигэр эмтэнэригэр көмө диэн биэрдилэр. Онтон киэһэ Бөтүн «Мичил» оҕо саадыгар минньигэс астаах сандалы остуол тула олорон истиҥ кэпсэтии буолла.

Үһүс күн үлэ десана тэриллинэ, оҕолор оонньуур былаһааккаларын хаартан ыраастаатылар.  Онтон төгүрүк остуол тула мустаннар аныгы оҕо саада, эр киһи оҕо иитиитигэр оруолун, баар кыһалҕалар, инники торумнар туһунан кэпсэтии бэрт сэргэхтик барда. Төгүрүк остуолу үөрэх салалтатын начальнига Шишигин  Ю. Е. ыытта.

Уопсайа республикаҕа 110 эр дьон педагог, онтон 3 киһитэ салайааччынан уһуйааннарга үлэлии- хамсыы сылдьар эбит. Форумҥа мустан үлэлэрин кэпсэтэн, билсэн-көрсөн эһиилги Форумҥа көрсүөх буолан тарҕастылар.