Дьокуускай куоракка кулун тутар 26-29 күннэригэр Үөрэҕи сайыннарыы уонна үрдэтии үнүстүтүүтүгэр «Саха сиригэр сыл бастыҥ иитээччитэ-2024» XV-с үбүлүөйүнэй идэтийии куонкуруһа өрө күүрүүлээхтик буолан ааста.

Бүтүн Арассыыйатааҕы иитээччилэр куонкурстарын өрөспүүбүлүкэтээҕи түһүмэҕэр 24 улуустан 26 иитээччи кыттыыны ылла. Кыттааччылар саамай кыра педагогическай ыстаастара – 4 сыл, онтон саамай уһун – 26 сыл.

Куонкуруска 16 иитээччи, 4 музыкальнай салайааччы, физическэй култуура 4 инструктора, 1 педагог-психолог кытыннылар.

Бу куонкуруска Мэҥэ-Хаҥаластан, балырыыҥҥы «Сыл бастыҥ иитээччитэ-2023» кыайыылааҕа, Майатааҕы «Кэнчээри» оҕону сайыннарар киин иитээччитэ Тастыгина Юлия Яковлевна ситиһиилээхтик кытынна. Конкурс кыттааччылара 3 түһүмэҕинэн: 1. кэтэхтэн «Интернет портфолио» «Визитка» уонна «Мой успешный проект» кыттыбыттара.

Конкурс бастакы күнүгэр Дьокуускай куорат «Цветик-семицветик» уһуйааныгар «Мой родной край» диэн темаҕа бэлэмнэнии бөлөх оҕолоругар дьарык көрдөрбүтэ, «Педагогическая находка» түһүмэххэ «ҺӨҔҮҤ» диэн методическай кейсын билиһиннэрбитэ, түмүккэ «Решение профессиональной задачи» билет ылан эппиэттээбиттэрэ. Бастакы күн түмүгүнэн Юлия Яковлеана 10 лауреат иһигэр киирэн салгыы 2- с күҥҥэ «Мастерская педагога» уонна «Семинар для родителей» ыыппыта.

Уопсай түмүккэ Чурапчы улууһуттан Прасковья Борисова аатынан «Улыбка» оҕону сайыннарар-киин уһуйаан иитээччитэ Анастасия Нестерова кылаан кыайыылаах үрдүк аатын ылла.

Анастасия Николаевна аны күһүн Москуба куоракка ыытыллар Бүтүн Арассыыйатааҕы куонкуруска Саха сирин чиэһин көмүскүөҕэ.