Олунньу 15 күнүгэр Мэҥэ Хаҥаласка республика профсоюзтарын Федерацияларын күнэ тэрээһиннээхтик ыытыллынна. Федерация салайааччыта Дегтярев Николай Николаевич салайааччылаах 8 киһиттэн састааптаах бөлөх үлэлэрин сарсыарда Алын Бэстээххэ улуус салалтатын кытары көрсүһүүттэн, Алын Бэстээх №2 оскуолатыгар улахан кылаас оҕолоругар кылаас чаастарын ыытыыттан саҕалаатылар. Маны тэҥэ республиканскай үөрэх үлэһиттэрин профсоюзтарын техническай уонна правовой-техническай инспектордара оскуола үлэтин кытары билистилэр, методическай көмө оҥордулар. Майаҕа кэлэн улууска үлэлиир олох-дьаһах комунальнай өҥөнү оҥорор уонна доруобуйа харыстыыр тэрилтэлэрин коллективын кытары көрүстүлэр. Майа Ф.Г. Охлопков аатынан оскуола үөрэнээччилэригэр кылаас чааһын ыыттылар.

2 чаастан "Кыталык" общественнай центрыгар Илин эҥэр округун профсоюзтара, уонна республиканскай комитеттар председателлэрэ кыттыылаах семинар ыытылынна. Илин эҥэртэн, Чурапчыттан Давыдов Е.И., Амматтан Бытыров П.С, Тааттатан Борисов П.В, Уус-Алдантан Попова А.А. салайааччылаах 40 тахса киһилээх делегациялар кэлэн көхтөөхтүк кытыннылар. Биһиги улуустан 60 тахса профсоюзнай комитет бэриссидээтэллэрэ кэлэн көхтөөхтүк билиилэрин хаҥаттылар. Семинарскай чааһы улуус социальнай хайысхаҕа солбуйааччы Григорьева А.А. салайан ыытта. Н.Н. Дегтярев республика профсоюзтарын Федарациятын 2023 с. сүрүн үлэтин билиһиннэрдэ, республика правительстватын, Ил Түмэн комитеттарын таһымыгар хамнас үрдээһинигэр, трудовой кодексынан көрүллэр үлэһиттэр социальнай төлөбүрдэр, үлэ миэстэтигэр эчэйии тахсыбатын туһугар ыытыллар үлэлэри кэпсээтэ. Ол кэннэ правовой отдел, техническай инспектор, юридическай отдел сокуоҥҥа туох уларыйыылар киирбиттэрин билиһиннэрдилэр, араас боппуруостарга эппиэттээтилэр.

Түмүктүөх иининэ Федерация бэрэссэдээтэлэ улуус уонна кэлбит делегациялар бастыҥ профсоюз бэрэссэдээтэллэригэр уонна салайааччыларыгар наҕараадалары туттарда. Улуус үөрэҕин тэрилтэлэриттэн "Бастыҥ социальнай партнер" знагы Майа "Кэнчээри" оҕону сайыннарар киин салайааччыта Екатерина Петровна Романова, "За доблестный труд" мэтээл Хаптаҕай оскуолатын саха тылын уонна литературатын учуутала, профсоюз бэрэссэдээтэлэ Колесова Анастасия Андреевна, знактаах Федерация бочуоттаах грамотатын Майа Ф.Г. Охлопков аатынан оскуола логопед-учуутала, профсоюз бэрэссэдээтэлэ Дмитриева Мария Владимировна, И.М. Романов аатынан Төхтүр орто оскуолатын математика учуутала, профсоюз бэрэссэдээтэлэ Максимов Игорь Михайлович, Федерация Махтал суругун оҥорон таһаарар киин педагога, профсоюз бэрэссэдээтэлэ Ефимова Алена Андреевна туттулар. Маны таһынан улуус олох-дьаһах коммунальнай хаһаайыстыбатын, тыа хайаайыстыбатын, доруобуйа харыстабылын активтара туттулар.

Республиканскай үөрэх үлэһиттэрин профсоюзтарын техническай уонна правовой-техническай инспектордара эбии үөрэхтээһин оҥорон таһаарар киинин үлэтин кытары билистилэр, методическай көмө оҥордулар.