Олунньу ый 21 күнүгэр Саха Өрөспүүбүлүкэтин Үөрэх министиэристибэтин Кубогар дьиэ иһинээҕи көтөр аал уонна сүүрэр массыына күрэҕэ буолан ааста.

Уопсайа 4 улуустан 6 хамаанда кытынна: Мэҥэ-Хаҥалас, Намтан, Ханаластан иккилии хамаанда уонна Бүлүү улууһун хамаандата. Биһиги улууспут чиэһин көмүскээтилэр: оҕо техническэй дьоҕурун сайыннарар киин иитиллээччилэрэ Егоров Юра, Егоров Семен, Иванов Саша, Романов Владислав, Плотников Алексей, Чичахов Александр (сал.Соловьев Д.Д., Егоров Е.Ю.), Төхтүр орто оскуолатыттан Устинов Мичил, Григорьев Никита, Тихонов Кеша (сал. Григорьев Д.С.), Төҥүлү орто оскуолатыттан Куличкин Иннокентий (сал. Кычкин В.В.),Тыыллыма орто оскуолатыттан Дайбанныров Айтал, Прокопьев Ваня (сал.Назаров М.В.), Баатара орто оскуолатыттан Сосин Тимур, Варламов Артем, Санников Руслан, Баишев Никита, Слепцов Ваня, Сивцев Анемподист, Ходулов Айсен (сал.Романов Л.А.).

Күрэх көрүҥнэринэн түмүк таҕыста:

• "Резиномоторнай вертолет" Иванов Саша - 1м.,
• "Радиоуправляемай массыына" Чичахов Саша - 1м., Плотников Алексей - 3м.,
• "Метательные планеры" Григорьев Никита - 1 м.,
• "Резиномотрные самолеты" Устинов Мичил - 3м. ,
• "Квадрокоптер" Куличкин Иннокентий - 1м.

Хамаанданан түмүккэ 1 миэстэни эрэллээхтик Мэҥэ-Хаҥалас улууһун хамаандата ылла. Үөрэх миниистирин грамотатынан уонна кубогынан наҕараадаланнылар. Нам улууһун бастакы хамаандата 2 миэстэ, Бүлүү улууһун хамаандата 3 миэстэ буоллулар.

Оҕолорбут ситиһиилэрэ үөрдэр, инникигэ кынаттыыр, спорт техническэй көрүҥнэрэ сайда турдун!

Егоров Егор Юрьевич, эбии үөрэхтээһин киинин педагога