Бүгүн, кулун тутар 5 күнүгэр Мэҥэ Хаҥалас улууһугар өрөспүүбүлүкэтээҕи “Уопсай уонна эбии үөрэхтээһиҥҥэ сыыппара эйгэтэ” диэн тиэмэлээх форум буолан ааста. Cүрүн тэрийээччи Саха Өрөспүүбүлүкэтин саҥа технологияларын Института.

Форум ыҥырыылаах ыалдьыттара Оксана Михайловна Замятина, Томскай политехническай университетын информационнай технология кафедратын доцена, техническай наука кандидата, Владислав Алексеевич Ковалев Смоленскай куорат ИТ куб киинин эбии үөрэхтээһинин педагога маастар кылаастары ыыппыттара улахан сэҥээриини ылла.

Дьокуускай, Ньурба куорат, Мэҥэ Хаҥалас ИТ куб киинин педагогтара “Марафон цифровых продуктов”, “Открытый класс”, “Удаленный доступ”, “Разработка игр с национальным компонентом”, “Продвижение киберспорта”, “Беспилотные авиационные системы”, “Мастерская программиста”, “Объемное моделирование”, “Искусство видеомантажа”, “Искуственный интеллект в образовании”, “Новые возможности в оформлении презентации”, “Развитие инженерного образования” тиэмэлэргэ бэйэ опытын кэпсээтилэр.

Форум иһинэн идэ таһымын үрдэтэр курсу Оксана Михайловна Замятина “Саҥа кэм салайааччыта” тиэмэҕэ кэпсээбитэ улахан туһалаах буолла.

Форум сыыппара эйгэтэ үөрэҕирии сайдыытыгар улахан суолталааҕын бэлиэтээн, саҥа бырайыактары бииргэ ситимнээн үлэлииргэ былаан ылылынна.

Кыттааччылар олус дириҥ ис хоһоонноох форум ыытыллыбытыгар тэрийээччилэргэ Саха Өрөспүүбүлүкэтин саҥа технологияларын Институтугар, Мэҥэ Хаҥалас улууһун салалтатыгар, ИТ куб киинин ситимигэр улахан махталларын тиэрдэллэр.