Ахсынньы 12 күнүгэр өрөспүүбүлүкэтээҕи "Сыл бастын учуутала" күрэх түмүктэннэ.

Күрэххэ араас улуустартан 19 учуутал кыттыыны ылла. Олор истэригэр Павловскай орто оскуолатын химия учуутала Новгородова Наталья Васильевна.

5 күннээх күрэх 5 түһүмэхтэн турар. Бары түһүмэхтэргэ эриэ-дэхситик кыттан Наталья Васильевна лауреат үрдүк аатын сүгэн үөрэммит, үлэлиир оскуолатын 150 сыллаах үбүлүөйүгэр дьоһун бэлэҕи оҥордо.

Наталья Васильевнаны үрдүк ситиһиитинэн эҕэрдэлиибит!

Күрэх муҥутуур кыайыылааҕынан Чурапчы гимназиятын аангылыйа уонна кытай тылын учуутала Макарова Юлия Мироновна буолла.