 Бүгүн Дьокуускай куоракка үгэс буолбут "Сыл бастыҥ учуутала-2024" күрэх түмүктэннэ.
Күрэххэ 35 кыттааччы аһаҕас уруоктары көрдөрдүлэр, интервью биэрдилэр. Бу түһүмэх кэнниттэн 18 лауреат быһаарыллан маастар-кылаастары ыыттылар, педагогическай проблеманы быһаарыыга тургутук аастылар.
Аптарытыаттаах жюри быһаарыытынан 6 конкурсант призер аатын сүктэ. Призердар истэригэр Мэҥэ-Хаҥалас улууһун аатын чиэстээхтик көмүскээн И.Г.Игнатьев аатынан Хара спортивнай орто оскуолатын начаалынай кылааһын учуутала Юлия Васильевна Пинигина киирдэ.
Юлия Васильевнаны эҕэрдэлиибит уонна салгыы таһаарыылаах, айымньылаах үлэни баҕарабыт.
Абсолютнай кыайыылааҕынан Алдан улууһуттан 5№-дээх орто оскуола устуоруйаҕа уонна обществознаниеҕа учуутала Мельник Дарья Александровна буолла.
| 
