Тохсунньу 16-17 күннэригэр Өрөспүүбүлүкэ үөрэнээччилэрин “Спортивные Якутяне” спартакиадатын иһинэн ыытыллыбыт доруобуйаларынан хааччахтаах оҕолорго чэпчэки атлетикаҕа күрэхтэһии Дьокуускай куорат “Өрөгөй” спорт уораҕайыгар буолан ааста. Улууспут сүүмэрдэммит хамаандатыгар Өлөчөй коррекционнай, Бүтэйдээх, Хаптаҕай, Майа В.П. Ларионов аатынан, Аллараа Бэстээх М.Е. Попов аатынан оскуолаларыттан оҕолор кытыннылар, ол курдук биирдиилээн көрүҥнэргэ:
- Слободчиков Булат Хаптаҕай оскуолата, 60 м. уонна 200 м. сүүрүүгэ 1миэстэ (F-45-47 классификация);
- Понамерев Леонид А-Бэстээх 1 оскуолата, ядрону анньыыга 1 миэстэ (F-42-44 классификация);
- Фетисов Дима А-Бэстээх 1 оскуолата, 60 м. 1 миэстэ, 200 м. 1 миэстэ, ядрону анньыыга 2 миэстэ (Т-35-38 классификация);
- Антонов Альберт Өлөчөй коррекционнай оскуолата, 60 м. 3 миэстэ, 200 м. 2 миэстэ буоллулар. (ЛИН классификация);
Бүтэйдээх оскуолатыттан Харитонов Арсен (В2-3 классификация), Майа В.П. Ларионов аатынан оскуолаттан Федорова Сандаара (ЛИН классификация), Өлөчөй коррекционнай оскуолатыттан Шарина Айгыына (ЛИН классификация) кытыннылар.
Уопсай түмүккэ 5 кыһыл көмүс, 2 үрүҥ көмүс, 1 бронза мэтээллээх улууспут хамаандата 2 миэстэ буолары ситистэ.
1 миэстэ - Дьокуускай куорат
2 миэстэ - Мэҥэ-Хаҥалас улууһа
3 миэстэ - Нам улууһа
Улууспут оскуолаларыттан физкультура учууталларыгар Дмитриев Иван Павловичка, Алексеев Руслан Павловичка, Яковлев Андрей Александровичка, Федоров Иннокентий Валерьевичка махталбыт улахан.






|