Ыам ыйын 31 күнүттэн бэс ыйын 5 күнүгэр диэри Сахабыт сирин килбэйэр киинигэр Дьокуускайга оскуола саастаах оҕолор икки ардыларыгар президент оонньууларын региональнай этааба буолан ааста.

Уопсайа 20-лии оҕо састааптаах 6 хамаанда кытынна: Алдантан, Мэҥэ Хаҥаластан В.П.Ларионов аатынан оскуола сүүмэрдэммит хамаандата, Дьокуускайтан, Намтан, Тааттаттан, Бүлүүттэн. Күрэх 7 көрүҥүнэн, ону тэҥэ биир быыбардаах көрүҥүнэн барда: теннис, дуобат, баскетбол, сүүрүү, спортивнай многоборье, батыйа быраҕыы, сүүрэн кэлэн уһуну ыстаныы, быыбар көрүҥэ: городки, туризм, гандбол.

Биэс күн күрэхтэһии түмүгүнэн Мэҥэ Хаҥалас хамаандата кыайыыны ситистэ: маҥнайгы миэстэни ылла: тенниска – кыргыттар, уолаттар – 2 миэстэ, дуобакка – кыргыттар, уолаттар – 2 миэстэ, баскетболга – уолаттар 2 миэстэ, сүүрүүгэ уолаттар 1 миэстэ, кыргыттар – 2 миэстэ, спортивнай многоборьеҕа – 1 миэстэ, батыйа быраҕыыга – 3 миэстэ, сүүрэн кэлэн уһуну ыстаныыга – 2 миэстэ, городки – 2 миэстэ, туризм – 3, гандбол – 1 миэстэ, уопсай түмүккэ – 1 миэстэ. Оҕолорбутун истиҥник эҕэрдэлээн туран, Сочига буолар Бүтүн Арассыыйатааҕы түһүмэххэ үрдүк ситиһиилэри, кыайыыны баҕарабыт. 

Марфа Семенова