Муус устар 13-14 күннэригэр улуус оскуолаларын педагог-библиотекардарын уонна ветераннарын 19 киһилээх делегацията ытык Таатта сиригэр педагогическай десаҥҥа сылдьан кэллилэр.

Бастакы күн Ытык Күөлгэ баар “Таатта” литературнай музейы сиһилии көрдүлэр. Ол кэннэ коллегалара, Таатта улууһун библиотекардарын түмсүүтүн дириҥ ис хоһоонноох үлэтин-хамнаһын билистилэр. Улууспут оскуолаларын библиотекаларын уопутун Дмитриева Т.М., үөрэх управлениетын специалиһа сырдатта. Икки улуус библиотекарьдара кыраайы үөрэтэр ис хоһоонноох кинигэлэри хардарыта бэлэхтэһэн, кэнэҕэс даҕаны билсэ турарга сөбүлэһэн араҕастылар.

Иккис күн Чөркөөхтөөҕү Государственность музейын уонна политическай ссылка музей-комплексы көрөн, элбэх туһалааҕы билэн кэллилэр.