 Бүгүн, муус устар 23 күнүгэр, Төҥүлүтээҕи «Олимпионик» оҕо сайдар киинигэр үгэскэ кубулуйбут «Хоһуун уол» Мэҥэ Хаҥалас улууһун оскуола иннинээҕи саастаах уолаттарын байыаннай-спортивнай күрэҕэ 10-с төгүлүн үрдүк таһымнаахтык ыытылынна.
Быйылгы тэрээһин хас да бэлиэ түгэҥҥэ ананна:
- Россия норуоттарын сомоҕолоһуутун сылыгар;
- Россияҕа оскуола иннинээҕи үөрэхтээһин сылыгар;
- Мэҥэ Хаҥалас улууһугар детсад тэриллибитэ 100 сылыгар;
- Республика күнүн көрсө.
Күрэх сыала-соруга
- Күрэх сүрүн сыалынан уол оҕо спортка интириэһин тардыы, тулуурдаах, дьаныардаах буоларга иитии уонна патриотическай тыыны иҥэрии буолар.
Кыттааччылар
- Улуус 11 нэһилиэгиттэн саамай сымса, күүстээх уолаттар кэлэн күөн көрсүстүлэр:
Майаттан «Кэнчээри», “Сардаана”, “Чуораанчык” Аллараа Бэстээхтэн «Сказка», Тумултан «Куоласчаан», Матта “Ньургуhун», Павловскай “Мичээр”, Балыктах «Звездочка», Хара “Кэрэчээн”, Төхтүр “Мичил”, Төӊүлү «Олимпионик»
Дьүүллүүр сүбэ:
Илларионов Милан Михайлович – Мэҥэ Хаҥалас улууһун үөрэҕин салалтатын иитии үлэтин отделын сүрүннүүр специалиһа, Баишев Леонид Васильевич – Төҥүлү орто оскуолатын физкультураҕа учуутала, Саха республикатын физкультура уонна спорт туйгуна уонна “Олимпионик” детсадыгар өр сылларга физкультура инструкторынан үлэлээбит, бу күрэҕи улууска биир бастакынан тэрийсибит, оҕолору ситиһиилээхтик кытыннарбыт Игнатьев Иван Иванович.
Күрэх сүрүн түһүмэхтэрэ
Уолаттар 7 араас хайысханан бэйэлэрин кыахтарын көрдөрдүлэр:
- «Будущий защитник» – Строевой бэлэм уонна «Оҕо саас өрөгөй ырыатын» толоруу.
- «Дойдубунан киэн туттабын» – Интеллектуальнай викторина.
- Военизированнай эстафета – Түргэн-сымса буолууну тургутуу.
- Төһөҕө саайыы – 7 см тоһоҕону маска саайыы.
- Мас эрбээһинэ – 5х5 см бурууһу эрбээн түһэрии.
- Быаны сүөрүү – Имигэс тарбахтар уонна булугас өй күрэҕэ.
- Граната быраҕыы – 500 грамм ыйааһыннаах снаряды ыраахха быраҕыы.
Күрэх түмүгэ
Дьүүллүүр сүбэ быһаарыытынан бастыҥнар ааттаннылар:
|
Миэстэ
|
Кыттааччы аата
|
Детсад (Нэһилиэк)
|
Салайааччы
|
|
Муҥутуур кыайыылаах
|
Арсен Шестаков
|
«Олимпионик» (Төҥүлү)
|
Попова Нь.С.
|
|
I миэстэ
|
Сарыал Харитонов
|
«Звездочка» (Балыктаах)
|
Стручкова Е.И.
|
|
II миэстэ
|
Дьулустаан Бурцев
|
«Кэрэчээн» (Хара)
|
Макаров И.И.
|
|
III миэстэ
|
Володя Винокуров
|
«Мичээр» (Павловскай)
|
Саввин А.А.
|
Кыттааччылар бары туоһу сурук, анал аат, грамотанан наҕараадаланан, үөрэн-көтөн тарҕастылар.
Бэлиэтээһин: 10 сыл тухары бу күрэххэ кыайбыт уолаттар ситиһиилэрин кэтээн көрдөххө бары оскуола бастыҥ үөрэнээччилэрэ, спорт чемпионнара уонна олимпиадалар призердара буола үүммүттэр. Кыайыыга дьулуурдаах, инники күөҥҥэ сылдьар бастыҥ оҕолор буолалларын астына бэлиэтиибит:
2016 – Баишев Тимур Төҥүлү “Олимпионик” ХИФУ иһинэн баар анал научнай киин лицейын 10 кылааһын бастыҥ үөрэнээччитэ. Мини футболга республика призера, чемпиона. Мэҥэ-Хаҥалас улууһун сборнай командатын чилиэнэ. Хайыһар уонна биатлон күрэҕин кыайыылааҕа.
2017 - Рафаэль Трофимов Төҥүлү “Олимпионик” - 9 кылаас үөрэнээччитэ, тустууга республика чемпиона. Билигин мини- футболунан дьарыктанар, Мэҥэ-Хаҥалас улууһун сборнай командатыгар баар. Республиканскай күрэх призердара.
2018 – Алеша Борисов Төҥүлү “Олимпионик” – 9 кылаас үөрэнээччитэ, тустууга республика чемпиона, призера. Билигин мас тардыһыытынан утумнаахтык дьарыктанар.
2019 - Антон Баишев Төҥүлү “Олимпионик” – 8 кылаас үөрэнээччитэ, мас реслиҥҥа Россия биирдиилээн бастыыр иһин күрэх чемпиона, күн бүгүн Чебоксары куоракка Россия таһымнаах күрэххэ кытта сылдьар.
2021 – Винокуров Эрсан Майя “Кэнчээри” - 5 кылаас туйгун үөрэнээччитэ, Спортивнай ориентированиянан, туризмынан утумнаахтык дьарыктанар, улуус, республика кыайыылааҕа. “Көрдүүр уонна быһыыр үлэлэр” (поисково-спасательные работы) регион күрэҕин кыайыылааҕа. Араас таһымнаах олимпиадаларга, научнай ааҕыыларга кыайыылардаах.
2022 - Колесов Арылхан Хара “Кэрэчээн” - үөрэх туйгуна. Көҥүл тустууга улуус, республика, Россия призера, 2025 с. Ыытыллыбыт “Боотурдар ооньууларын” чемпиона. Республика уонна Бүтүн Россиятааҕы олимпиадалар, научнай ааҕыыларга ситиһиилээхтик кыттар.
2023 - Борисов Денис Хара «Кэрэчээн» - үөрэх туйгуна. Остуол тенниһигэр улуус республика кыайыылааҕа, призера.
2024 - Лукин Дуолан Хара «Кэрэчээн» - үөрэх туйгуна. Көҥүл тустууга улуус, республика күрэхтэрин призера. Хара оскуолатын иһинэн ыытыллыбыт чэпчэки атлетика кроһун кыайыылааҕа.
2025 – Васильев Мичил Павловскай “Мичээр” – 1 кылаас бастыҥ үөрэнээччитэ, тустуунан дьарыктанар. Улуус, республика тустууга турнирдарын призердара, регион таһымнаах күрэх кыттыылааҕа. Ону таһынан республика математатика олимпиадатын призера, улууска саха тылын олимпиадатын кыайыылааҕа.
Инникитин да бу үтүө үгэс салҕанан, уолаттарбыт улууспутун, дойдубутун ааттатар эрэллээх дьон буола улааттыннар!
| 
