 Муус устар 2 күнүгэр Мэҥэ-Хаҥалас улууһун Хара нэһилиэгин Үрдьүҥэхтээх алааһыгар улуустааҕы үөрэҕирии отдела уонна Харатааҕы “Кэрэчээн” уһуйаан тэрийиитинэн аан бастаан оскуола иннинээҕи саастаах оҕолорго хайыһар күрэҕэ бэрт тэрээһиннээхтик ыытылынна.
Сыала:
- Оҕо этин-хаанын чэбдигирдии, өйүн-санаатын сайыннарыы, чөл олох олуктарын иҥэрии
- Күрэх нөҥүө көхтөөх, иллээх алтыһыыны тэрийии
- Спорт кыһыҥҥы күрэҕин көрүҥүн көҕүлээһин
Күрэххэ сэттэ хамаанда кыттыыны ылла. Ол курдук: Бырама, Өлөчөй оскуола – садтара, Хаптаҕайдааҕы “Хомусчаан” оҕону сайыннарар киин, Майатааҕы “Чуораанчык”, Табаҕатааҕы “Кэскил”, Аллараа Бэстээх “Солнышко” уонна Харатааҕы “Кэрэчээн” оҕо садтарын иитиллээччилэрэ балаһыанньа быһыытынан кыргыттар, уолаттар биирдиилээн, ону таһынан хамаанданан эстафетаҕа илин – кэлин түһүстүлэр.
Дьүүллүүр сүбэҕэ Мэҥэ – Хаҥалас үөрэҕириитин иитии уонна эбии үөрэхтээһин отделын сүрүннүүр специалиһа Милан Михайлович Илларионов, Мэҥэ-Хаҥалас уопсай үөрэхтээһин отделын сүрүннүүр специалиһа Альбина Романовна Захарова үлэлээтилэр.
Биэтэккэ кыргыттарга бастакы миэстэ – Ефремова Мира (Хапта5ай “Хомусчаан” оҕону сайыннарар киин); иккис миэстэ – Терентьева Милана (Хапта5ай “Хомусчаан” оҕону сайыннарар киин); үһүс миэстэ – Басова Амелия (Харатааҕы “Кэрэчээн” детсад). Уолаттарга бастакы миэстэ – Гоголев Сарыал (Табаҕатааҕы “Кэскил детсад); иккис миэстэ – Бурцев Дьулустаан (Харатааҕы “Кэрэчээн” детсад); үһүс миэстэ – Кривогорницын Кирилл (Аллараа Бэстээх “Солнышко” детсад).
Хамаанданан күрэххэ бастакы миэстэ – Харатааҕы “Кэрэчээн”, иккис миэстэ – Табаҕа “Кэскил”, үһүс миэстэ – Аллараа Бэстээх “Солнышко” детсадтара тигистилэр.
Кыайыылаах хамаанда көһөрүллэ сылдьар кубогынан, миэстэлэспит оҕолор мэтээллэринэн, грамотанан наҕараадаланнылар, кыттыбыт оҕолор сертификат туттулар.
Үөрүүлээх алтыһыылар хас биирдии хамаандаҕа эрчими эрэйэр, сырдыкка тардыһар кыайыы өрөгөйүн үөрүүтүн билэр сардаҥалары сахтылар.
Элбэх бэлэмнэниини эрэйэр спорт кыһыҥҥы көрүҥэ инникитин даҕаны элбэх оҕону чөл, доруобай буоларыгар сайыннара, ыҥыра, угуйа турдун!
Протокол
| 
