Бүгүн, муус устар 26 күнүгэр 14 төгүлүн "Окно в науку" чинчийэр докладтары ааҕыы улууспут уһуйааннарыттан 38 иитиллээччини Ороссолуода орто оскуолатын, оскуола иннинээҕи оҕолору иитэр-үөрэтэр сүһүөҕэр түмтэ.

Суруннээн докладтар познавательнай, исследовательскай уонна творческай салааҕа бэлэмнээбиттэр. Инникитин өссө элбэх хайысханы хабан докладтары ылсан үөрэтиэххэ наада диэн "Окно в науку" ааҕыылар автора детсад ветеран педагога Елена Дмитриевна Сивцева бэлиэтээн эттэ. Ол курдук экология, сэрэхтээх буолуу тиэмэлэригэр докладтары эрдэттэн хайдах бэлэмнэнэн кэлэллэригэр эдэр педагогтарга сүбэ биэрдэ. Төрөппүттэр бэлэмнээн илдьэ кэлбиттэрин хайҕаата. Инникитин үлэлэригэр ситиһиини баҕарда.

Чаҕылхайдык кыттыыны ылла Аллараа - Бэстээх "Солнышко" уһуйаантан Лева Захарченко, салайааччыта Федора Егоровна Трофимова. Лев кыайыылаах аатын ылыан ылла. Ким үчүгэй бэлэмнээх – ол ситиһиилээх буолла.