Муус устар 28 күнүгэр Харатааҕы "Кэрэчээн" оҕо уһуйааныгар Чурапчытааҕы судаарыстыбаннай физкультура уонна спорт институтун педагогика уонна психология кафедратын, Чурапчытааҕы, Амматааҕы уонна Мэҥэ-Хаҥалас үөрэҕин салалталарын көмөлөрүнэн “Оҕону эт-хаан өртүнэн сайыннарыы” метотур ыытылынна.

Метотур аһыллыытыгар Мэҥэ-Хаҥалас үөрэҕириитин информационно-методическай отделын специалиһа Мария Николаевна Ларионова эҕэрдэ тылын эттэ. “Ой-Бото” проект салайааччыта, педагогика уонна психология педагогическай наука кандидата, кафедра доцена Макарова Татьяна Алексеевна, Чурапчы улууһун эт-хаан сайыннарар инструктордар, кустовой методическай холбоһук салайааччыта Николаева С.Д. салайан ыытылар.

Сыала: 72 чаастаах идэни үрдэтэр курс практическай чааһын ыытыы, республика “Кустук”базовай программатыгар оҕону эт-хаан өртүнэн сайыннарыы хайысхатыгар методическай ыйынньык суруллуутугар матырыйаал хомуйуута.

Барыта холбоон  24 оҕону эт-хаан өртүнэн сайыннарар инструктордар кыттан, баар уопуту кэпсэтэн, проблемалары ырытан астыннылар. Чурапчы улууһуттан 7, Мэҥэ-Хаҥаластан 8, Амма улууһуттан 2 педагог уопуттарын үллэһиннилэр.

Күн иккис аҥарыгар педагогтар “Хомуур күрэҕэ”, “Иэрэгэй”, “Хабылык” сахалыы оонньууларга күрэхтэстилэр.

Чурапчы, Амма, Мэҥэ-Хаҥалас улуустарын үөрэҕирии салалталарыгар, Хара нэһилиэгин “Кэрэчээн” уһуйаан коллективыгар махталбытын биллэрэбит. Биир идэлээхтэр мустан олус туһалаах дьаһал ыытылынна диэн сыаналыыбыт.