Муус устар 28 күнүгэр Г. Соловьев аатынан Ороссолуода орто оскуолатын детсада “Оҕо сайдар эйгэтин саҥалыы тыыннаах сайыннарыы” диэн ааттаах семинары улуус иитээччилэригэр тэрийэн ыытта.

Барыта 16 семинар кыттыылаахтарыгар иитиллээччилэр бэйэлэрин детсадтарын, бөлөхтөрүн оонньуур, сынньанар, сайдар эйгэтин билиһиннэрдилэр. Семинарга детсад ветераннара Сивцева Е.Д., Копылова М.П., Белолюбская А.И., Игнатьева П.И. кэлэн бэйэлэрэ үлэлээбит кэмнэригэр оҕо сайдар эйгэтин хайдах тэрийбиттэрин, агротехнологическай хайысхалаах детсад буолан үлэлэрин онно туһулаабыттарын бэт сэргэхтик кэпсээбиттэрэ “Наставник уонна педагог” сылыгар ордук кэрхсэбиллээх буолла. Билигин ону салҕаан эдэр иитээччилэр кэлбит ыалдьыттарга рассада арааһын атыылаан үөртүлэр. Күн иккис аҥарыгар дириҥ ис хоһоонноох, толкуйдатар маастар-кылаастарга кэлбит педагогтар элбэҕи ырытан, бэйэлэрин санааларын эттилэр.  Семинарга кэлэн опыт ылан, санаа атастаһан барбыт итээччилэргэ барха махтал. Кэнчээри оҕолоргут сайда, үүнэ туралларыгар ситиһиилэри баҕарабыт.

#ГПН_2023 #ГодПедагогаНаставника

М.Н. Ларионова, гл. специалист РУО