Олунньу 17 күнүгэр Ф.Г. Охлопков аатынан Майа орто оскуолатыгар алын кылаас эдэр учууталларыгар анаммыт улуустааҕы семинар үрдүк таһымнаахтык буолан ааста.

Семинар тиэмэтэ: «Оҕо саас мастарыскыайа: өйдөнөн хаалар уруоктары айыаҕыҥ».

Тэрээһини Ф.Г. Охлопков аатынан Майа орто оскуолатын алын кылаастарын учууталларын методическай холбоһуга иилээн-саҕалаан ыытта.

Оскуола бастыҥ учууталлара бэйэлэрин маастарыстыбаларын аһаҕас уруоктар нөҥүө көрдөрдүлэр:

• Математика — Филиппова Оксана Ананьевна;
• Төрөөбүт тыл — Акимова Татьяна Давидовна;
• Нуучча тыла — Чичахова Елена Николаевна;
• Тулалыыр эйгэ — Баишева Ньургуяна Валерьевна.

Семинар иккис чааһыгар практическай маастар-кластар уонна далааһыннаах выступлениелар буоллулар:
• «Төрөөбүт дойдум, дьиэ кэргэним — хоһоон хомоҕой тылыгар» — Находкина Федора Григорьевна;
• «Английскай тылга алын кылаас оҕолоругар коммуникативнай компетенцияны сайыннарыы» — Степанова Анна Юрьевна;
• «Айымньылаах үлэ интеллектуальнай эйгэтэ» — Чичахова Елена Николаевна.

Ону таһынан, оҕо тылын сайыннарыыга Галина Федоровна Соловьева уонна бастакы күннээҕиттэн тэтэрээти хайдах тупсаҕайдык тутарга, бэрээдэккэ үөрэтэргэ Феврония Тимофеевна Бурнашева туһуламмыт методическай сүбэлэри биэрдилэр.

Эдэр учууталлар бу күн элбэх саҥаны билэн, инники үлэлэригэр күүс-көмө буолар матырыйааллары хомунан үөрэ-көтө тарҕастылар. Тэрээһини тэрийбит алын кылаас учууталларыгар барҕа махтал!

Ф.Г. Охлопков аатынан Майа орто оскуолатын пресс-киинэ

#СААС
#школьныеновости
#оскуоламсонуна #Росдетцентр #НавигаторыДетства #МедиашколыКэскил #ДвижениеПервых
#НавигаторыДетства14
#МайинскаяСОШимФГОхлопкова
#МайинскаяСОШимФГОхлопкова