Кулун тутар 20 күнүгэр Майатааҕы «Кэнчээри» оҕону сайыннарар киин уонна «Smart Education» фирма тэрийээччитэ, АНО «Детский центр робототехники» кылаабынай судьуйата, Бүтүн Арассыыйатааҕы FIRST RUSSIA ROBOTICS CHAMPIONSHIP Октябрина Семеновна Петрова көҕүлээһиннэринэн, Илин эҥэрдээҕи улуустар оскуола иннинээҕи саастаах оҕолорун икки ардыларыгар бэһис төгүлүн ыытыллар «Национальный чемпионат по робототехнике – Сахалин 6.0» Аллараа Бэстээх «IT- CUBE» киэҥ – куоҥ уораҕайыгар үрдүк таһымнаахтык буолан ааста.

РФ үөрэҕин министиэристибэтэ уһуйаан, оскуола саастаах оҕолорго ананан дьоҕурдарын, научнай-техническэй сайдыыга саҥа технологияларга бастакы хардыы оҥорорго туһуланар «Лига открытий» уонна «Лига знаний» бырайыактара буолар.

Быйыл Илин эҥэрдээҕи бөлөххө уопсайа холбоон “Лига открытий” – 7 хамаанда, 27 оҕо, 14 тренер, 3 эксперт кытыннылар. «Лига знаний» - 5 хамаанда, 10 оҕо, 9 тренер, 3 эксперт кыттыыны ыллылар. Быйылгы чемпионакка Уус- Алдан, Амма, Таатта, Мэҥэ- Хаҥалас улуустарыттан кытыннылар.

Экспертнэй хамыыһыйа оҕолор үлэлэрин көрөн сыанабыл оҥордо. Сылын аайы робототехника сезона, тиэмэтэ уларыйарын тухары лего деталлара кытары уларыйар.

Чемпионат аһыллыыта оҕолор тренердэрин кытары парааттаан хаамыыларыттан саҕаланна. Мэҥэ-Хаҥалас улууһун үөрэҕириигэ салалтатын информационнай методическай салаатын сүрүннүүр специалиһа Ларионова Мария Николаевна эҕэрдэ тылын бука бары кэлбит кыттааччыларга туһаайан эттэ.

Ааспыт сыллааҕы «Сокровища НЕДР» чемпионат Арассыыйаҕа туһалаах сиртэн хостонор баайыгар туһуламмыт буоллаҕына, быйылгы чемпионат тыа хаһаайыстыбатыгар, чуолаан үүнүүгэ сыһыаннаан ыытылынна. Оҕолору кыра саастарыттан сир үлэтигэр сыһыарар сыалтан, аграрнай технологияны үөрэтэн саас сиэмэни олордууттан саҕалаан, оҕуруот аһын үүннэрэн хайдах өлгөм үүнүүнү ылар туһугар көрүүнү-харайыыны, тыраанспарынан тиэйиини -таһыыны робототехниканан араас конструкциялары оҥорбуттарын экспертнэй хамыыһыйаҕа быһааран кэпсээн көрдөрдүлэр.

Манна эрдэттэн анаммыт тренердэр оҕолору бэйэ олордубут үүнээйитин олордууга, көрүүгэ-харайыыга чинчийэр үлэҕэ сыһыарыылара, оҕолорго олус элбэх туһалаах өйдөбүлү иҥэрбиттэрэ экпертэри сөхтөрдө.

«IT-куб» цифровой үөрэҕирии кииниттэн эбии үөрэхтээһин педагогтара Скрябин Н.Г., Николаев Р.Л., Филипп Гаврильевич Охлопков аатынан Майа орто оскуолатын робототехникаҕа эбии үөрэхтээһинин учуутала Михайлов П.В., «Лига знаний» бырайыакка экспертнэй хамыыһыйаҕа үлэлээтилэр.

“Лига открытий” бырайыакка экспертнэй хамыыһыйаҕа үлэлээтилэр: Майатааҕы «Кэнчээри» оҕону сайыннарар киин методиһа, Лепчикова М.П., Майатааҕы “Чуораанчык” оҕо уһуйаанын сүрүннүүр иитээччитэ Михайлова Л.А., Амматааҕы "Кэскил" уһуйаан директоры иитэр-үөрэтэр үлэҕэ солбуйааччы Васильева А.К., Тааттатааҕы "Чуораанчык" оҕо уһуйаанын эбии үөрэхтээһин педагога Сунхалырова В.В.

Чемпионат ыытыллар кэмигэр оҕолорго аналлаах хомуур күрэҕэ буолла, маны таһынан “IT- куб” киинэ саалатын үлэлэтэн, ойуулук көрдөрдө. Сахалыы ойуулук дьоруойдара «Тоокулар» оҕолору аралдьытан хаартыскаҕа түһүстүлэр.

Түмүккэ «Лига открытий» хайысхаҕа:

1 миэстэ «Сложность и оформление» - Амматааҕы "Кэскил" уһуйаан «Robot_land» хамаандата (тренердэр Васильева Антонида Кузьминична, Николаева Лариса Федоровна);

2 миэстэ «Командный дух» - Майатааҕы «Кэнчээри» оҕону сайыннарар киин «М-АйТут» хамаандата (тренердэр Бурцева Людмила Валерьевна, Оконешникова Оксана Давидовна);

3 миэстэ «Командный дух» - Тааттатааҕы «Чуораанчык» уһуйаан «БилАйТут» хамаандата (тренедэр Кычкина Алёна Максимовна, Сунхалырова Валентина Васильевна);

«Победа над обстоятельствами» - Уус Алданнааҕы "Кустук" уһуйаан «СуоттуSTAR» хамаандата (тренердэр Тарская Валерия Васильевна, Петухова Валентина Петровна);

«Стремление к знаниям» - Амматааҕы "Хатыҥчаана" уһуйаан «Хатыҥчаана» хамаандата (тренердэр Толстоухова Алёна Егоровна, Игнатьева Айталина Николаевна);

«Оригинальное творчество» - Аллараа Бэстээхтээҕи «Сказка» оҕону сайыннарар киин «Бес Тим» хамаандата (тренердэр Степанова Мария Николаевна, Захарова Мария Борисовна);

«Креативные идеи» - Майатааҕы «Чуораанчык» уһуйаан «БРИКС ТИМ» хамаандата (тренердэр Нестерова Ирина Ивановна, Жиркова Сардаана Иннокентьевна).

«Лига знаний» хайысхаҕа:

1 миэстэ «Самая быстрая сборка» - Аллараа Бэстээхтээҕи «Сказка» оҕону сайыннарар киин «Бес Тим» хамаандата (тренердэр Иванова Ирина Васильевна, Иванова Людмила Ивановна);

2 миэстэ «Техническое совершенство» - Майатааҕы «Кэнчээри» оҕону сайыннарар киин «М-АйТут» хамаандата (тренердэр Катаева Мария Ивановна, Ощепкова Ольга Тимофеевна);

3 миэстэ «Мастера механизмов» - Амматааҕы «Хатыҥчаана» уһуйаан «Хатыҥчаана» хамаандата (тренердэр Толстоухова Алёна Егоровна, Игнатьева Айталина Николаевна);

«Перспективные новаторы» - Майатааҕы «Чуораанчык» уһуйаан «БРИКС ТИМ» хамаандата (тренердэр Нестерова Ирина Ивановна, Жиркова Сардаана Иннокентьевна);

«Звездный дуэт» - Амматааҕы "Колосок" уһуйаан «Лего Колос» хамаандата (тренер Дьячковская Анна Петровна).

Чемпионат түмүгүнэн кыайыылаахтар салгыы Южно-Сахалинск куоракка норуоттар икки ардыларынааҕы этапка кыттыыны ылыахтара. Чемпионат бары кыттыылаахтарыгар махтанан туран, салгыы кыттааччыларга үрдүк ситиһиилэри баҕарабыт!