 Олунньу ый 3-7 күннэригэр Дьокуускай куоракка боксаҕа аан дойду кылаастаах ССРС спордун маастара Н.Н. Жирков сырдык аатыгар Саха Республиканын күүстээх боксердарыгар 15-16 саастаах уолаттарга (2010-2011 с.т.) «Саха Сирин кэнчээри ыччатын Спартакиадата» иһинэн бокса көрүҥэр биирдиилээн уонна хамаанданан күрэхтэһии буолан ааста.
Улууспут хамаандата В.Ю. Шестаков, А.Д. Монастырев салалталарынан хомуллан, бэлэмнэнэн ситиһиилээхтик кытыннылар. Барыта 11 уол кыттыыны ылла.
Ыйааһыннарынан кыайыылаахтарынан уонна призердарынан буоллулар:
- 44 киилэҕэ Григорьев Денис 3 миэстэ, И.Г. Игнатьев аатынан Хара оскуолата;
- 46 киилэҕэ Сметанин Арылхан 2 миэстэ, И.Г. Игнатьев аатынан Хара оскуолата;
- 48 киилэҕэ Макаров Ринат 1 миэстэ, И.Г. Игнатьев аатынан Хара оскуолата;
- 54 киилэҕэ Кожокару Григорий 1 миэстэ, И.Г. Игнатьев аатынан Хара оскуолата;
- 57 киилэҕэ Алексеев Олексан 1 миэстэ, И.Г. Игнатьев аатынан Хара оскуолата;
- 63 киилэҕэ Игнатьев Леонид 3 миэстэ, Ф.Г. Охлопков аатынан Майа оскуолата;
- 66 киилэҕэ Новгородов Сайдам 3 миэстэ, В.П. Ларионов аатынан Майа оскуолата.
Күрэхтэһии түмүгүнэн И.Г. Игнатьев аатынан Хара орто оскуолатын үөрэнээччитэ Макаров Ринат Кыайыыга дьулуур ааты ылла. Күрэхтэһии бастыҥ тренерынан Мэҥэ-Хаҥалас улууһун оҕо спортивнай оскуолатын тренера Шестаков Василий Юрьевич ааттанна.
Мэҥэ-Хаҥалас сүүмэрдэммит хамаандата Нерюнгри уонна Дьокуускай куораттар кэннилэриттэн бочуоттаах 3 миэстэ буолары ситистилэр. Бу күрэхтэҺии түмүгүнэн Саха Республикатын сүүмэрдэммит хамаандата таҥыллан УҺук Илин күрэхтэҺиитигэр кыттыахтара.
|
