Алтынньы 19-20 күннэригэр С.З.Борисов аатынан Тыыллыма орто оскуолатыгар, Ю.П.Баишев аатынан спорт саалатыгар “Мини-футбол в школу” Всероссийскай программаҕа киирбит күрэхтэһии чэрчитинэн 2007-2008 уонна 2005-2006 с.т. оскуола  оҕолоругар Мэҥэ-Хаҥалас улууһун мини-футболга күрэхтэһиитэ түмүктэннэ.

Күрэхтэһии балаһыанньатынан, улуус оскуолалара бары хамаандаларын аттарынаннар олус интэриэһинэй, уопсайа 200-тэн тахса үөрэнээччи кэлэн кыттыыны ыллылар.

2007-2008 с.т. уопсайа 16 оскуола кыттан түмүккэ 1 миэстэ В.П.Ларионов аатынан Майа орто оскуолата, 2 миэстэ Хара орто оскуолата, 3 миэстэ Ф.Г.Охлопков аатынан Майа орто оскуолата буоллулар. 

2005-2006 с.т. 1 миэстэ С.З.Борисов аатынан Тыыллыма орто оскуолата, 2 миэстэ Павловскай орто оскуолата, 3 миэстэ Тумул орто оскуолата буоллулар. Уопсай күрэхтэһии түмүгүнэн бастаабыт В.П.Ларионов аатынан Майа уонна С.З.Борисов аатынан Тыыллама орто оскуолаларын хамаандалара улууспут чиэһин көмүскээн республиканскай “Мишка” күрэхтэһиитигэр ситиһиилээхтик кытталларын баҕарыаххайын.

Николай Бугаев, үөрэх управлениетын иитэр үлэ салаатын сүрүннүүр специалиһа