Бүгүн, сэтинньи 10 күнүгэр Үөрэтэр-оҥорон таһаарар кииҥҥэ Мэҥэ Хаҥаластааҕы Суолга куттал суох буолуутун хамыһыйатын, инспекциятын көҕүлээһининэн иккис төгүлүн “Мин ийэм - автоледи” күрэс ыытылынна. Күрэскэ оҕо ийэтинээн 5 түһүмэҕинэн суолга сэрэхтээх буолууга, суол быраабылатын билиигэ тургутууну аастылар, тус дьоҕурдарын көрдөрдүлэр. Күрэскэ 5 ийэ оҕолорунаан Ороссолуода, Нуораҕана, Тыыллыма, В.П. Ларионов уонна Ф.Г. Охлопков аатынан Майа орто оскуолаларыттан көхтөөхтүк кытыннылар: тимир көлөлөрүн киэргэтэн билиһиннэрдилэр, автодромҥа массыына ыытан көрдөрдүлэр, суол быраабылатын, тимир көлө ис чааһын билиигэ тургутууну аастылар.

Күрэс түмүгүнэн бары түһүмэххэ үчүгэй көрдөрүүлээх, бэлэмнээх Дьабыыл орто оскуолатын 6 кылааһын үөрэнээччитэ Айтал Тарабукин ийэтинээн Галина Гаврильевналыын кыайыылаах таҕыстылар. Иккис миэстэҕэ Ф.Г. Охлопков аатынан Майа орто оскуолатын 7 кылааһын үөрэнээччитэ Самаана Маркова ийэтинээн Татьяна Дмитриевналыын таҕыстылар. Тыыллыма орто оскуолатын 9 кылааһын үөрэнээччитэ Сандаара Архипова ийэтинээн Александра Васильевналыын үһүс миэстэ буоллулар.

Күрэс анал ааттара В.П. Ларионов аатынан Майа орто оскуолатын 8 кылааһын үөрэнээччитигэр Ева Адамоваҕа, ийэтигэр Уйгулаана Николаевнаҕа уонна Рассолода орто оскуолатын 11 кылааһын үөрэнээччитигэр Таня Матвееваҕа, ийэтигэр Сардана Тимофеевнаҕа. Кыайыылаахтар улуустааҕы суолга куттал суох буолуутун инспекцията уонна Үөрэтэр оҥорон таһаарар киин бириистэринэн, харчылаах сертификаттарынан наҕараадаланнылар. Күрэскэ көхтөөхтүк кэлэн кыттыбыт оҕолорбутугар уонна ийэлэргэ тэрийээччилэр ааттарыттан махтабытын биллэрэбит.