Бүгүн, балаҕан ыйын 6 күнүгэр, И.Г.Игнатьев аатынан Хара орто оскуолатыгар “Кэлим үөрэҕирии эйгэтэ: үөрэтии уонна иитии саҥа кыахтара” Мэҥэ-Хаҥалас улууһун үөрэҕириитин үлэһиттэрин уонна улуус уопсастыбаннаһын балаҕан ыйынааҕы мунньаҕа 7 былаһаакканан ыытылынна.

Ыҥырыылаах ыалдьыттарынан Мэҥэ-Хаҥалас улууһун баһылыгын социальнай уонна имиджевай политикаҕа солбуйааччы Альбина Андреевна Григорьева, Өрөспүүбүлүкэтээҕи идэҕэ урутаан үлэлэһэр киин дириэктэрэ Владислав Гаврильевич Хабаров, Саха Өрөспүүбүлүкэтин үөрэҕи сайыннарар уонна идэ таһымын үрдэтэр Семен Николаевич Донской –II аатынан институут дириэктэрин солбуйааччы Ольга Ивановна Михалева, "Универ" автономнай коммерческайа суох тэрилтэ дириэктэрэ Александра Егоровна Ушницкая, Өрөспүүбүлүкэтээҕи финансовай грамотноһы сайыннарар региональнай киин салайааччыта Татьяна Иннокентьевна Борисова, Транспортнай техникум дириэктэрэ Николай Николаевич Иванов, дьиэ кэргэн педагога, улуустааҕы «Ийэ тыл» түмсүү салайааччыта Решетникова Евдокия Саввична уонна да атыттар буоллулар.

Мунньах иһинэн сэргэх быыстапканы “Идея”, “Кэскил”, “Smart Education” хампаанньалар, "Живая нить учительской судьбы" диэн кинигэ быыстапката туран дьон сэҥээриитин ыллылар.

МУННЬАХ ХААРТЫСКАЛАРА

#ГПН_2023 #ГодПедагогаНаставника