Балаҕан ыйын 28 күнүгэр С.З. Борисов аатынан Тыыллыма орто оскуолатыгар Мэҥэ-Хаҥалас улууһун иитиигэ программатын тула кэпсэтиһии форума ыытылынна. Форумҥа улуус педагогическэй общественнаһа, төрөппүттэрэ уопсайа 150 киһи кыттыыны ылла. Ыҥырыылаах ыалдьыттарынан Ильина Татьяна Михайловна, пионерия хамсааһынын ветерана, республикатааҕы "Эркээйи-1", "Эркээйи-2" программа айар бөлөҕүн сүрүннээччитэ, Адамов Гаврил Иннокентьевич, Саха республикатын үөрэҕи сайыннарар уонна идэ таһымын үрдэтэр институт аҕа учуутала, Владимирова Нюргуяна Афанасьевна, республикатааҕы оҕо хамсааһынын киинини директоры солбуйааччыта буоллулар. Кэлбит дьоҥҥо иитиигэ сыһыаннаах бэйэлэрин санааларын, этиилэрин эттилэр. Улуус үөрэҕириитин главнай специалиһа Сидорова Татьяна Васильевна иитии программата саҥа үйэ сиэригэр эппиэттэһэн проектнай салайыныы диэҥҥэ тахсыахха сөптөөҕүн, документ ситтэҕинэ-хоттоҕуна бырайыак бартыбыалын иһигэр хомуллуохтааҕын туһунан сиһилии быһааран кэпсээтэ.

Ол кэннэ концепцияҕа сөп түбэһиннэрэн 7 хайысханан: "Гражданскай уонна патриотическай иитии"- модератор Оконешникова И.Я., Аллара-Бэстээх 2 № оскуолатын директоры иитэр үлэҕэ солбуйааччыта,  "Үтүө сиэргэ-майгыга иитии сиэрэ" - модератор Порядина В.С., Чүүйэ орто оскуолатын директоры иитэр үлэҕэ солбуйааччыта,  Киренская А.И., Хара орто оскуолатын директоры иитэр үлэҕэ солбуйааччыта, "Норуот культуратын, искусство аайымньытын суолталааһын сиэрэ"- модератор Брызгалова Т.А., Табаҕа оскуолатын директоры иитэр үлэҕэ солбуйааччыта, "Үлэҕэ иитии. Сүрэхтээх бүгүрү буолуу"- модератор Осипова Н.М., Балыктаах оскуолатын директоры иитэр үлэҕэ солбуйааччыта, "Идэтийии сиэрэ"- модератор Попова Е.Н., Бэдьимэ оскуолатын директоры иитэр үлэҕэ солбуйааччыта, "Айылҕаҕа сүгүрүйүү сиэрэ"- модератор Оконешникова Т.В., Павловскай орто оскуолатын директоры иитэр үлэҕэ солбуйааччыта иилээн-саҕалаан уопсайа 34 бырайыагы дьүүллэһии барда, салгыы ханнык таһымҥа тахсыахтарын сөбүн, эбии туох киириэн сөптөөҕүгэр этиилэр иһилиннилэр.