 Бүгүн балаҕан ыйын 1 күнүгэр 36 оскуолаҕа 6053 үөрэнээччи, ол иһиттэн бастакы кылааска 592 оҕо аан маҥнай оскуола боруогун атыллаатылар.
Бүгүҥҥү үөрүүлээх күҥҥэ аан маҥнай бастакы кылааска киирэр кырачааннарга улуус баһылыга Дмитрий Иванович Тихонов бэлэх туттарда, ону тэҥэ республика Ил Дархана Айсен Сергеевич Николаев аатыттан оскуолунньук күннүгүн бэлэх уунна, улуус администрациятын үлэһиттэрэ, нэһилиэк баһылыктара, өрөспүүбүлүкэ араас тэрилтэлэриттэн ыҥырыылаах ыалдьыттара үөрэх кыһаларыгар ыалдьыттаан билии күнүн бииргэ бэлиэтээтилэр.
Үөрүүлээх күҥҥэ “Аныгы кэм оскуолата” федеральнай бырайыак чэрчитинэн биһиги улууспутугар 6 оскуолаҕа (Н.Д. Неустроев аатынан Бэдьимэ орто оскуолата, Моорук орто оскуолата, А.А. Пахомов аатынан Тиэлиги орто оскуолата, В.П. Ларионов аатынан Майа орто оскуолата, В.Н. Оконешников аатынан Павловскай орто оскуолата, Аллараа Бэстээх 2 нүөмэрдээх орто оскуолата) “Точка роста” диэн естественнэй-научнай, технологическай хайысхалаах үөрэҕирии кииннэрэ аһылыннылар. “Точка роста” кииннэр иннилэригэр улахан сорук турда. Физика, биология, химия предметтэрин үөрэтиигэ уонна эбии үөрэхтээһини тэрийиигэ, саҥа тэриллэр материальнай-техническэй базаҕа нэһилиэк эрэ оҕолорунан муҥурдаммакка бүтүн улуус оскуолаларын үөрэнээччилэрин дьарыктыыр сыал-сорук турар.
БИЛИИ КҮНЭ ОСКУОЛАЛАРГА:
Алтан орто оскуолатын сонуннара https://vk.com/wall-217187181_122
К.О.Гаврилов аатынан Бүтэйдээх орто оскуолатын сонуннара https://t.me/Byuteidyakskaya/507?single
Ф.Г.Охлопков аатынан Майа орто оскуолатын сонуннара https://vk.com/wall-193005187_1195
Кеша Алексеев атынан Хаптаҕай орто оскуолатын сонуннара https://vk.com/wall594316868_81
Аллараа Бэстээх М.Е. Попов аатынан орто оскуолатын сонуннара https://vk.com/wall-217206138_375
С.З. Борисов аатынан Тыллыма орто оскуолатын сонуннара https://vk.com/wall492848861_14
Н.Д.Неустроев аатынан Бэдьимэ орто оскуолатын сонуннара https://vk.com/wall-216590472_89
Бырааттыы Г.А. уонна А.А. Пономаревтар ааттарынан Томтор орто оскуолатын сонуннара https://vk.com/feed?w=wall-217297722_25
Н.В.Петров аатынан Дьабыл орто оскуолатын сонуннара https://vk.com/wall-217459004_66
Т.Г.Десяткин аатынан Тумул орто оскуолатын сонуннара https://vk.com/wall-217245426_323
| 
