Муус устар 21 күнүгэр - Олохтоох бэйэни салайыныы бүтүн Арассыыйа үрдүнэн тэриллибитэ 20 сыллаах үбүлүөйүн көрсө И.Г. Тимофеев аатынан Майатааҕы лиссиэй оҕолоро "Майа сэлиэнньэтэ" тыа сирин түөлбэтин дьаһалтатыгар билсэр экскурсияҕа сырыттылар, хонтуора үлэтин-хамнаһын уонна тутаах үлэһиттэрин кытта көрсөн кэпсэттилэр, инники идэни талыыга бэйэлэригэр элбэҕи бэлиэтэннилэр.

Салҕыы 3 хамаандаҕа арахсан дьаһалта үлэһиттэрэ бэлэмнээбит дьыалабыай оонньууга кыттыыны ыллылар. Дьыалабыай оонньуу сүрүн сыалынан картаҕа генеральнай былааҥҥа "Майа сайдыытын тосхолун" оҥоруу буолар, оҕолор сүрдээх интириэһинэй бырайыактары толкуйдаан олорор түөлбэлэрин инники сайдыытыгар бэйэлэрин санааларын уллэһиннилэр.