Дойдуга оскуола иннинээҕи үөрэхтээһин, Мэҥэ Хаҥалас улууһугар оскуола иннинээҕи үөрэхтээһин төрүттэммитэ 100 сылыгар аналлаах тэрээһин чэрчитинэн муус устар ый 10 күнүгэр Майатааҕы “Кэнчээри» оҕону сайыннарар кииҥҥэ «Үрүйэчээн айана» бырайыак оҕолорго туһуламмыт "Сулусчаан" ойуулук туоната үөрүүлээх быһыыга-майгыга арылынна.

Быйылгы үөрэх дьылыгар «Үрүйэчээн айана» бырайыакпыт «ЭкоШаг» грантовай куонкурус «Чистые берега» - ууну ыраастааһыҥҥа, чинчийиигэ уонна көмүскээһиҥҥэ туһуланар хайысхатыгар ситиһиилээхтик кыттан, оҕолорбут сайдыыларыгар туhуламмыт СӨ Үүнэр көлүөнэ тус сыаллаах пуондатын үбүлээhининэн олоххо киирдэ. Бу тус сыаллаах пуонда инники көлүөнэ сайдарыгар бары өттүнэн көмө оҥорор сыаллаах-соруктаах буолар. Онон бу пуондаҕа биhиги махталбыт улахан. Оҕолорбут экология хайысхатыгар араас тэрээhиҥҥэ, куонкурустарга кыттыахтара, быыстапкалары туруоруохтара.

Үөрүүлээх аһыллыыга уһуйаан дириэктэрэ Екатерина Петровна кэлбит ыалдьыттары эҕэрдэлээтэ.

Улуустааҕы үөрэх салалтатын начальнига, Плотникова Ирина Михайловна оҕолорго, мустубут ыалдьыттарга анаан баҕа саанаатын эттэ. Бу күҥҥэ ыҥырыылаах ыалдьыттарбыт: Захарова Альбина Романовна – Мэҥэ - Хаҥалас улууһун уопсай үөрэхтээһин салаатын сүрүн специалиһа, Филиппова Ольга Владимировна ,,IT -куб Мэҥэ-Хаҥалас" тэрийээччи-педагога, Пахомова Наталья Гаврильевна- Майа тыа сирин түөлбэтин баһылыгын солбуйааччыта, Аммосова Гульнара Фидаиловна - НВК Мэҥэ-Хаҥаластааҕы филиалын корреспондена, ”Кэнчээри" уһуйаан төрөппүттэрин комитетын чилиэннэрэ.

Мустубут ыалдьыттарга анаан оҕолор уонна иитээччилэр мульстудия үлэтин, графическэй планшетынан уруһуйдаан көрдөрдүлэр.

Уһуйаан методиһа Лепчикова Мария Петровна бырайыак үлэтин сырдатта. Оҕолор оҥорбут, устубут ойуулуктарын кэлбит ыалдьыттар сэргии көрдүлэр. «Сулусчаан» ойуулук туоната экологическай хайысхалаах ойуулуктары устан киэҥ араҥаҕа тарҕатар былааннаах олоххо киирдэ.

Көрсүүһүү түмүгэр, ыҥырыылаах ыалдьыттар баҕа санааларын, тустаах сүбэлэрин эттилэр. Бу эйгэҕэ ыытыллар тэрээhиннэр хас оскуола, уhуйаан аайы баар буоларыгар, экологияҕа сыһыаннаах үлэлэри тиһигин быспакка ыытарбытыгар, иитээччилэр уопуттарыттан үллэстэргэ бэлэмнэрин бэлиэтээтилэр. Инникитин бу үлэ өссө кэҥээн, бэйэтэ туспа суолланан сайдарыгар баҕа санааларын тиэртилэр. Улууска эрэ буолбакка, өрөспүүбүлүкэҕэ тиийэ биллэр-көстөр үлэлээх буоларбытыгар эрэллэрин биллэрдилэр.

Күн иккис аҥаарыгар иитиллээччилэрбит бөлөҕүнэн быыстапка үлэлэрин сэҥээрэ көрдүлэр. Бэйэлэрин саастыылаахтара оҥорбут уонна устубут ойуулуктарын олус сэргээн көрдүлэр.