Кулун тутар 13-15 күннэригэр Дьоллоох Дьокуускай куоракка оскуола иһинэн үлэлиир спортивнай кулууптар икки ардыларыгар 2010-2011 сыллаах төрүөх оҕолорго Бүтүн Арассыыйатааҕы күрэхтэһии Өрөспүүбүлүкэҕэ сүүмэрдээһинэ буолан ааста.

Күрэхтэһии үөрүүлээх арыллыыта Улуу кыайыы 50 сылыгар анаммыт успуорт дыбарыһыгар ыытылынна, манна мустубут дьону-сэргэни, кыттааччылары, хамаандаларга ыалдьааччыларга “Юные Якутяне” өрөспүүбүлүкэтээҕи ресурснай киин директорын солбуйааччы Александр Брызгалов:

• “Бу оонньуулар, дойдубут президена Владимир Путин көҕүлээһининэн 2018 сылтан ыла ыытыллаллар, күрэх сүрүн сыалларынан буолаллар оҕону эт-хаан өттүнэн дьарыктааһын, историяны үөрэтии, булугас-талыгас толкуйу эрчийии, ыччакка күрэхтэһии тыынын киллэрии, бэйэ – бэйэни ытыктыырга уонна саамай сүрүн сыала төрөөбүт дойдуну таптыырга уонна харыстыырга, кининэн киэҥ туттарга иитии буолар”  - диэн ис хоһоонноох эҕэрдэтинэн күрэхтэһиини арыйда.

Күрэхтэһиигэ өрөспүүбүлүкэ финалыгар барыта 3 хамаанда кэлэн илин-кэлин түһүстүлэр. Ол курдук, Хаҥалас улууһуттан Покровскай куорат 3 нүөмэрдээх орто оскуолатата, Дьокуускай куорат А.Г. уонна Н.К. Чиряевтар ааттарын сүгэр Саха национальнай гимназита уонна Мэҥэ-Хаҥаластан Иван Гаврильевич Тимофеев аатынан Майатааҕы лицей сүүмэрдэммит хамаандалара барыта 8 көрүҥҥэ күөн көрүстүлэр. Маҥнайгы күҥҥэ футбол, үс үскэ баскетбол, саахымат уонна өйү тургутуу брейн-ринг буолбуттара манна оҕолорбут футболга 3, баскетболга 1 саахымакка 3 уонна брейн ринҥа 2 миэстэни ылары ситиспиттэрэ. Иккис күҥҥэ чэпчэки атлетикаҕа 3 чирлидинг (хамаанданы өйүүр бөлөхтөр) күрэҕэр 2 уонна бүтэһик “Биһиги ооньууларбыт историятыттан” диэн тиэмэлээх хаартыска күрэҕэр 1 миэстэни ылан, биһиги ыччаттарбыт бэт кыраннан хаалан, өрөспүүбүлүкэҕэ бочуоттаах 2 миэстэни ылан үөрэн-көтөн кэллилэр. Оҕолору бэлэмнээн күрэххэ илдьэ сырыттылар Лилия Варламова, Дмитрий Жирков физкультура учууталлара уонна Павел Судико директоры иитэр үлэҕэ сүбэһит.

Санатар эбит буоллахха мантан саас бу саастаах оҕолорго дойдубут президенын Бүтүн Арассыыйатааҕы спортивнай оонньууларыгар сүүмэрдиир күрэхтэр ыытыллыахтара, манна оскуоланан буолбакка ыччаттары кылааһынан тургутан көрүөхтэрэ.

Майа лицейын пресс-киинэ