Кулун тутар 11-14 күннэригэр, РФ уопсай үөрэхтээһинин бочуоттаах үлэһитэ, СӨ үөрэҕириитин үтүөлээх үлэһитэ Маргарита Константиновна Петрова сырдык кэриэһигэр аналлаах «Кылаас салайааччыта - 2025» өрөспүүбүлүкэтээҕи күрэх Дьокуускай куорат 39-с нүөмэрдээх оскуолатыгар үһүс төгүлүн ыытылынна. Өрөспүүбүлүкэ араас муннуктарыттан кэнчээри ыччаты иитэр-үөрэтэр эйгэтигэр айымньылаахтык үлэлии сылдьар 20 бастыҥ кылаас салайааччыта кыттыыны ылла. Биһиги улууспутуттан В.П. Ларионов аатынан Майа орто оскуолатын омук тылын учуутала, 8 "а" кылаас салайааччыта Филиппова Мария Дмитриевна кыттыыны ылла.

Күрэх түмүгүнэн Мария Дмитриевна 3 степеннээх Дипломант үрдүк аатын ылары ситистэ. Ону тэҥэ Маргарита Константиновна дьиэ кэргэнэ туруорбут анал бирииһинэн, «Народный фронт» грамотатынан, Үөрэҕирии министерствотын Бочуотнай грамотатынан наҕараадаланна.

Эҕэрдэлиибит!