Бүгүн, муус устар 12 күнүгэр, Арассыыйаҕа дьиэ кэргэн, Саха Өрөспүүбүлүкэтигэр оҕо cаас, Мэҥэ Хаҥалас улууһугар тыа хаһаайыстыбатын уонна үөрэҕирии 150 сылыгар аналлаах Мэҥэ-Хаҥалас улууһун оскуолаҕа киириэн иннинээҕи саастаах оҕо тэрилтэлэрин иитиллээччилэрин уонна үлэһиттэрин икки ардыларыгар «ХАБЫЛЫК, ХААМЫСКА» уонна «ИЭРЭГЭЙ» күрэх ыытылынна.

Уопсайа 9 кыыс, 10 уол оҕо уонна 10 улахан киһи 12 уһуйаантан кыттыыны ыллылар.

Күрэх түмүгүнэн маннык миэстэлэр таҕыстылар

Кыргыттарга:

1 миэстэ – Сильвестрова Күннэй (Ороссолуода орто оскуолата)

2 миэстэ – Попова Сияна (Майатааҕы “Чуораанчык” оҕо уһуйаана)

3 миэстэ – Стручкова Дайаана (Бүтэйдээхтээҕи “Чэчир” оҕону сайыннарар киин)

Уолаттарга:

1 миэстэ – Игнатьев Айсен (Ороссолуода орто оскуолата)

2 миэстэ – Слепцов Владик (Бүтэйдээхтээҕи “Чэчир” оҕону сайыннарар киин)

3 миэстэ – Прокопьев Роберт (Чыамайыкы орто оскуолата)

Улахан дьоҥҥо:

1 миэстэ - Попова Е.Г. (Харатааҕы “Кэрэчээн” оҕо уһуйаана)

2 миэстэ – Пермякова Р.Н. (Төхтүрдээҕи “Мичил” оҕону сайыннарар киин)

3 миэстэ – Слепцова И.А. (Майатааҕы “Сардаана” оҕону сайыннарар киин)

Судьуйанан үлэлээтилэр Максимов Иннокентий Петрович - Республикатааҕы I категориялаах судьуйа, уһуйаан бэтэрээннэрэ, улууска «ХАБЫЛЫК, ХААМЫСКА» күрэхтэрин аан бастаан көҕүлээн тэрийбит дьон Попова Татьяна Петровна  уонна Романова Анна Николаевна.

2009 с. тэриллэн ыытыллар күрэх олус интэриэһинэйдик ааста, кыттааччылар таһымнара сылтан сыл тупсан иһэрин дьүүллүүр сүбэ бэлиэтээтэ. Быйыл тэриллибит күрэххэ эбии «ИЭРЭГЭЙ» көрүҥэ киирэн биэрбитэ, детсад саастаах оҕолорго табыгастааҕа көһүннэ диэн бэлиэтиибит. Кыайыылаахтары өссө төгүл эҕэрдэлиибит, инникитин да бу курдук Сахабыт норуотун үгэстэрин, култууратын үйэтитэргэ үлэлэһэ, ыытыллар күрэхтэргэ кытта тураргытыгар баҕарабыт.