Кулун тутар 24-26 күннэригэр Дьокуускай куоракка, оҕолорго “Хабылык, Хаамыска” көрүҥҥэ Саха Республикатын күрэхтэһиитэ буолан ааста. Бу күрэхтэһиигэ аны сайын ыытыллар “Манчаары оонньуулара” Саха Сирин төрүт көрүҥнэрин спартакиадатыгар кыттар иһин лицензия оонньонно.

Биһиги улуустан Тиэлиги оскуолатыттан Ян Захаров уонна Аэлита Алексеева иккиэн 2-с миэстэ буолары ситистилэр уонна улууска путевка аҕаллылар. Хамаанданан Дьокуускай куорат кэнниттэн 2-с миэстэ буоллулар, 3-кэ Сунтаар хамаандата таҕыста.

Маны кытта 2008 с.т. уонна кыра саастаах оҕолорго “Саха Сирин кэнчээри ыччатын Спартакиадата” ыытылынна, улууспутун Сергеева Лера Бэдьимэ оскуолатыттан, Романова Розалина Чыамайыкы оскуолатыттан, Степанов Ариан уонна Захаров Вася Тиэлиги оскуолатыттан көмүскээтилэр, хамаанданан түмүккэ бочуоттаах 3-с миэстэ буолары ситистилэр. 1 миэстэ Дьокуускай куорат, 2-с Чурапчы улууһа.

Оҕолору уонна хамаанданы бэлэмнээбит Бэдьимэ оскуолатын директоры иитэр үлэҕэ солбуйааччы Попова Екатерина Николаевнаҕа, Чыамайыкыттан Романова Дария Афанасьевнаҕа, Тиэлигиттэн Федорова Антонина Ивановнаҕа кэнчээри ыччаттарбытын үөрэтэ-уһуйа сылдьалларыгар махталбытын этэбит!