Бүгүн, муус устар 21 күнүгэр, Майатааҕы ≪Кэнчээри≫ оҕону сайыннарар кииҥҥэ сыл аайы ыытыллар хабылык, хаамыска, иэрэгэй - сахалыы остуол өбүгэ оонньуулара буолан ааста. Барыта 27 уһуйаан иитиллээччилэрэ уонна иитээччилэрэ күөн көрүстүлэр. Бэлиэтээн эттэххэ бу күрэҕи уһуйааммыт бэтэрээн педагогтара Анна Николаевна Романова, Татьяна Петровна Попова көҕүлээн үтүө үгэскэ кубулутан тэрийбиттэрэ быйыл номнуо 14-с сылын бэлиэтиир.

Мэҥэ-Хаҥалас улууһун оскуола иннинээҕи үөрэхтээһин 100 сылыгар туһуланар күрэххэ улуус үөрэҕин салалтатын информационнай-методическай отдел сүрүннүүр специалиһа Мария Николаевна Ларионова ыалдьыттаата.

Күрэх дьүүллүүр сүбэтигэр үлэлээтилэр: Мэҥэ-Хаҥалас улууһун хабылык уонна хаамыска остуол оонньууларын делегациятын чилиэнэ, Саха республикатын иһинэн хабылык, хаамыска күрэхтэригэр абсолютнай чемпиона, спорт маастара Оксана Николаевна Рожина; уһуйааммыт ветеран иитээччитэ Татьяна Петровна Попова; физкультураҕа инструктор Дарья Владимировна Григорьева.

Суол-иис алдьаммытынан, биллэр биричиинэнэн Чыамайыкытааҕы оскуола-уһуйаан кыттааччылара быһа сибээһинэн - видеонан кыттыыны ыллылар.

Оҕолор - хабылык, иэрэгэй, улахан дьон - хабылык, хаамыска көрүҥнэригэр илин-кэлин түсүһэн кытыннылар.

Өбүгэттэн кэлбит сахалыы остуол оонньууларынан сөбүлээн дьарыктанар, саамай дьаныардаах, бэлэмнээх кыттааччылар ситиһии сиэтиилэннилэр, кыайыы өрөгөйүн биллилэр.

Тыҥааһыннаах күрэхтэһии кэнниттэн маннык миэстэлэр таҕыстылар.

ХАБЫЛЫК көрүҥэ. Уолаттарга 3 миэстэ - Мухаммад-Амин Махамадкадиров (Аллараа-Бэстээхтээҕи ≪Сказка≫ оҕо уһуйаана), 2 миэстэ - Вова Васильев (Төҥүлүтээҕи ≪Олимпионик≫ оҕону сайыннарар киин), 1 миэстэ - Сарыал Гоголев (Табаҕатааҕы ≪Кэскил≫ оҕо уһуйаана)

Кыргыттарга 3 миэстэ - Дайаана Баишева (Төҥүлүтээҕи ≪Олимпионик≫ оҕону сайыннарар киин), 2 миэстэ Габриэлла Стручкова (Майатааҕы ≪Кэнчээри≫ оҕону сайыннарар киин), 1 миэстэ - Сандаара Захарова (Чыамайыкытааҕы оскуола-уһуйаан)

Иэрэгэй көрүҥэ. Уолаттарга 3 миэстэ - Вова Васильев (Төҥүлүтээҕи ≪Олимпионик≫ оҕону сайыннарар киин), 2 миэстэ - Алеша Ефимов (Майатааҕы ≪Чуораанчык≫ оҕо уһуйаана), 1 миэстэ - Сайдам Иванов (Майатааҕы ≪Сардаана≫ оҕону сайыннарар киин).

Кыргыттарга 3 миэстэ - Айыллаана Афананасьева (Майатааҕы ≪Чуораанчык≫ оҕо уһуйаана), 2 миэстэ - Мичийээнэ Скрябина (Майатааҕы ≪Кэнчээри≫ оҕону сайыннарар киин), 1 миэстэ - Дайаана Баишева (Төҥүлүтээҕи ≪Олимпионик≫ оҕону сайыннарар киин)

УЛАХАН ДЬОҤҤО. Хабылык, хаамыска көрүҥҥэ уопсай түмүккэ, 3 миэстэ - Рафаилова Айыына Константиновна (Табаҕатааҕы ≪Кэскил≫ оҕо уһуйаана), 2 миэстэ - Попова Раиса Анатольевна (Майатааҕы ≪Кэнчээри≫ оҕону сайыннарар киин), 1 миэстэ - Иванова Юлия Петровна (Чыамайыкытааҕы оскуола-уһуйаан)

Үүнэн эрэр эдэр көлүөнэбитигэр маннык сахалыы остуол оонньуутун кыра саастан иҥэриэххэ, өбүгэбит дьарыгын сайыннарыахха.