Чурапчы улууһун хореографтарын 'Үргэл" түмсүүлэрин ыҥырыыларынан "Кэрэли" оҕону эбии үөрэхтээһин киин хореографтара Стручкова М.А., Романова М.В., Антонова А.А., Попова Н.В., Павлова С.Ф. сүрдээх үчүгэй дириҥ ис хоһоонноох, туһалаах маастар-кылаастарга сылдьан кэллилэр. 

Ол курдук, Таатта улууһун "Дружба" народнай коллективын салайааччыта Валентин Константинович Козлов уол оҕо үҥкүүтүгэр маастар-кылаас, Дьокуускай куораттан "Сандал" оҕо коллективын салайааччыта Сардаана Алексеевна Катакова оҕо коллективын кытта үлэ туһунан, СВФУ ИТИ преподавателя, анныгылыы үҥкүү тренера Егор Сивцев афро стиль туһунан, "Үөрүү" оҕо сайдар киинин педагога Сивцева Елена Петровна "Көлүкэчээн" народнай коллектив "Дьөһөгөй" үҥкүүтүн ырыттылар. 

Бастыҥ үлэлээх, бары сэҥээрэр коллегаларбыт  олус туһалаах маастар-кылаастары ыыппыттарыгар махталбытын этэбит, үлэбитигэр туһанарга сүдү күүс буолуоҕа. Айар үлэҕит үрдээн, силигилээн истин, дуоһуйууну, астыныыны аҕаллын.

Борисова И.Г., "Кэрэли" оҕону эбии үөрэхтээһин киин тэрийээччи педагога