Кулун тутар 25 күнүгэр Д.Таас аатынан Хорообут орто оскуолатын базатыгар хотугу зона математикаҕа учууталларын тэрийиитинэн ИШУМ уочараттаах занятиета буолан ааста. 11 оскуолаттан (хотугу зона 8 оскуолата, маны таһынан Тиэлиги, Бырама, лицей) барыта 14 учуутал, 60 тохсус, 36 уон биирис кылаас үөрэнээччилэрэ мустаннар үлэлээтилэр. Ол курдук, тохсус кылаастар ОГЭ иккис чааһын 21, 22, 23, 24с сорудахтарын сиһилии ырыттылар, уон бииристэр ЕГЭ профиль 3, 11, 12, 13, 14, 17с сорудахтарыгар дьарыктаннылар. Түмүгэр оҕолор маннык тэрээһини сөбүлээбиттэрин туһунан санааларын үллэһиннилэр. Хорообут оскуолатын коллективыгар, чуолаан математика учууталыгар Гоголева А.Р. консультациялар тэрээһиннээхтик ыытыллалларыгар көмөлөрүн иһин махтанабыт.