Тохсунньу 9-11 күннэригэр Дьокуускайга Владимир Ларионов аатын сүгэр “Инникигэ хардыы” эдэр чинчийээччилэргэ аналлаах Өрөспүүбүлүкэтээҕи научно-практическай конференция буолан ааста.

Бу конкурс 1996 сылтан ыла биир да сыл быстыбакка ыытыллан кэллэ. Научнай конференция түһүлгэтигэр өрөспүүбүлүкэ араас муннуктарыттан 1600 үөрэнээччини барыта 39 секциянан, араас наука хайысхаларынан үлэлииргэ түмтэ. Кыттааччылар үлэлэрин 350 учуонай, преподавателлар, аспираннар, студеннар, наука үлэһиттэрэ араас үөрэх кыһаларыттан, научнай кииннэртэн сыаналаатылар.

Иван Гаврильевич Тимофеев аатынан Майатааҕы лицейтан 17 бырайыагы 20 үөрэнээччи киирэн көмүскээтилэр. Ол түмүгүнэн, оҕолорбут ситиһиилэрэ манныктар:
1.    “Математическай наукалар” секциятыгар Макарова Ньургуйаана 10.1 кылаас үөрэнээччитэ 3 үрдэллээх дипломунан наҕараадаланна уонна “На пути к познанию” бүтүн Арассыыйатааҕы научнай практическай конференцияҕа кыттар быраабы ыларга ситистэ. Салайааччы Ларионова Инга Кимовна.
2.    “Физика уонна астрономия” секциятыгар Романова Юлия, Винокуров Эрсан 11.2 уонна 10.1   кылаас үөрэнээччилэрэ 2с үрдэл дипломунан наҕараадаланнылар уонна “Большие вызовы” научно-технологическй проектар конкурстарыгар кыттар чиэскэ тигистилэр. Оҕолору бэлэмнээтилэр - Никитин Петр Афанасьевич, Жиркова Марина Викторовна; 
3.    “Физика уонна астрономия” секциятыгар Толстяков Эрхан ҕ кылаас үөрэнээччитэ 3с үрдэл дипломунан наҕараадаланна уонна бүтүн Арассыыйатааҕы “Киһи - ийэ сир - космос” Научно-исследовательскай, учебно-исследовательскай айар бырайыактар олимпиадаларыгар ыҥырыыны тутта. Салайааччы Васильева Мария Алексеевна.
4.    “Информационнай ресурсалар” секцияҕа Ксенофонтов Ярослав 8.1 кылаас үөрэнээччитиэ 3с үрдэл диплонуманан наҕараадаланна уонна “Национальное Достояние России” бүтүн Арассыыйатааҕы талааннаах ыччаттар конкурстарыгар ыҥырыыны тутта. Салайааччылар Слободчикова Тамара Егоровна, Петров Борис Павлович.
5.    “Химическэй наукалар” секциятыгар Игнатьев Александр 10.1 кылаас үөрэнээччитэ 3с үрдэл дипломунан наҕараадаланна. Салайааччы Игнатьева Айталина Варламовна. 
6.    “Ботаническай наукалар” секцияҕа Цыпандина Юлиана 10.2 кылаас үөрэнээччитэ 3с үрдэл дипломунан наҕараадаланна уонна "Открытие" бүтүн Арассыыйатааҕы научнай конференцияҕа ыҥырыыны тутта. Салайааччылар Исакова Марфа Кретовна, Жиркова Марина Викторовна.  
7.    “Успуорт наукалара уонна чөл олох” секциятыгар Соловьева Евдокия 10.1 кылаас үөрэнээччитэ 3с үрдэл дипломунан наҕараадаланна. Салайааччы Варламова Лилия Даниловна.
8.    “Экономическай наукалар” секцияҕа Брызгалов Роман 7.2 кылаас үөрэнээччитэ 1-кы үрдэл дипломунан наҕараадаланна. Салайааччы Гурьева Александра Ариановна. 
9.    “Историческай наукалар” секциялар Федоров Арсен 11.2 кылаас үөрэнээччитэ 2-с үрдэл дипломунан наҕараадаланна уонна Н.И. Лобачевскай аатынан бүтүн Арассыыйатааҕы научно-практическай конференцияҕа ыҥырыыны тутта салайааччылар Федорова Любовь Васильевна, Сосина Саргылана Георгиевна. 

В.П. Ларионов аатынан «Инникигэ хардыы - Professor V.P. Larionov «A Step into the Future» Science Fair» конференция-конкурска научнай дакылаады английскай омук тылынан күмөскээһиҥҥэ Егорова Лиана 7.1 кылаас үөрэнээччитэ 2-с үрдэл дипломунан наҕараадаланна. Салайааччылар Егорова Светлана Гаврильевна, Жирков Фёдор Фёдорович.

Научно-практическай конференция-куонкурс бары кыттааччыларын ситиһиилэринэн эҕэрдэлиибит! Инникитин саҥа саҕахтар арыллан истиннэр, өссө да араас наука түһүлгэлэриттэн ситиһиилэр кэлэ турдуннар!

Майатааҕы лицей пресс-киинэ