Ахсынньы ый 8 күнүгэр «Сатабыл» Тааттатааҕы оҕо айымньытын дьиэтин тэрийиитинэн Илин Эҥэрдээҕи «Оҕо сатабыла» диэн чөмпүйэнээт ыытылынна.

Чурапчыттан, Мэҥэ Хаҥаластан, Амматтан, Тааттаттан уопсайа алта хамаанда кыттыыны ылла.

Бэриллибит болдьоххо хамаандалар уһанар, тигэр, чочуйар, айар сатабылларын туһанан халадаай тиктилэр, сахалыы оонньуулары толкуйдаатылар, хаһыат таһаардылар, туойтан көмүлүөк оҥордулар, сахалыы шрифт дизайнын, стикер ойууну айдылар, дьиэ кэргэн ытык малын билиһиннэрдилэр.

Үлэлэри дьүүллүүр сүбэ - экспертэр сыаналаатылар.

Түмүккэ Мэҥэ Хаҥалас хамаандата:

• Сахалыы шрифт дизайнын, стикер ойууну айыы күрэ5эр «Кэрэли» эбии үөрэхтээһин киин иитиллээччилэрэ бииргэ төөрөбүт эдьиийдии-балыс Захарова Алина, Вероника 1 миэстэ;
• ⁠Туойтан көмүлүөк оҥоруутугар «Кэрэли» эбии үөрэхтээһин киин иитиллээччилэрэ бииргэ төөрөбүт эдьиийдии-балыс Попова Сандаара, Саргылаана 1 миэстэ;
• ⁠Халадаай тигиитигэр «Кэрэли» эбии үөрэхтээһин киин педагога Дьячковскайа Татьяна Гаврильевна сиэнинээн Филиппова Аэлиталыын 2 миэстэ;
• ⁠Дьиэ кэргэн ытык малын видеоролик оҥорон көмүскээн Тиэлиги орто оскуолатын үөрэнээччитэ Гермогенова (Устинова) Лилия ийэтинээн Устинова Туйара Егоровналыын 2 миэстэ;
• ⁠Өркөн өйү эрчийии күрэххэ В.П.Ларионов аатынан Майатаа5ы орто оскуола үөрэнээччилэрэ Павлов Алексей, Трифонов Айсен уонна тэрийээччи педагог Сивцев Лазарь Лазарьевич 3 миэстэ, викторина күрэ5эр 1 миэстэ;
• ⁠Сахалыы хаһыат таһаарыытыгар «Кэрэли» эбии үөрэхтээһин киин иитиллээччилэрэ Адамова Николина, Петрова Сандаара анал аат ылары ситистилэр.

Мэҥэ Хаҥалас хамаандата кыайыы үктэллээх үөрэн-көтөн кэллилэр.