Сэтинньи ый 11 күнүттэн 25 күнүгэр диэри улууспут иһинэн “Ийэ тылбынан кэпсиибин” диэн уһуйаан саастаах оҕолорго Федеральнай үөрэх бырагыраамматыгар киирбит уус-уран айымньыны төрөөбүт тылынан ааҕыы улуустааҕы күрэҕэ буолан ааста.
Күрэх сыалынан Федеральнай үөрэх бырагыраамматын (ФҮӨП) сүрүн чааһын саха уһуйааныгар көдьүүстээхтик киллэрии буолар.
Соруктара:
- Айар эйгэни тэрийии, уустаан-ураннаан ааҕыы сатабылын сайыннарыы, ааҕыы маастарыстыбатын үрдэтии;
- Дьиэ кэргэни кытары ситимнээх үлэни тэрийии;
- Уус-уран айымньыга оҕону умсугутуу, интириэһин тардыы, төрөөбүт тылы иҥэрии;
- Оҕо сааһыгар сөп түбэһиннэрэн атын омук уус-уран айымньытын тылбааһын ааҕан тириэрдии.
Күрэҕи тэрийэн ыыттылар: Мэҥэ –Хаҥалас улууһун үөрэҕириитин салалтата, Төҥүлүтээҕи “Олимпионик” оҕону сайыннарар киин.
Уус-уран айымньыны кэпсээһиҥҥэ уопсайа 131 үлэ киирбититтэн: 89 уһуйаан үлэһиттэрэ уонна 42 төрөппүт кыттыыны ыллылар. Үлэлэри МКТ “Мэҥэ-Хаҥалас улууһун үөрэҕириитин салалтатын” сүрүннүүр специалиһа Ларионова М.Н., улуустааҕы М.И. Брызгалова аатынан оҕо библиотекатыттан сэбиэдиссэй Дьяконова О.Н. уонна Төҥүлүтээҕи оҕону сайыннарар киин сүрүннүүр иитээччитэ Шестакова С.Ф. сыаналаатылар. Күрэххэ кыттарга сүрүн ирдэбилинэн, Федеральнай үөрэх бырагыраамматыгар ыйыллыбыт 4-7-гэр дылы саастаах оҕолорго анаммыт остуоруйалары, кэпсээннэри ааҕыы.
Күрэһи көрүү түмүгүнэн айымньыны умсугутуулаахтык ааҕыы маастарыстыбата үрдүгүн бэлиэтиибит, ол курдук ааҕыыны муусуканан, тыаһынан-ууһунан ситэрбиттэр. Эрдэ тылбаастамматах айымньылары кыттааччылар сахалыы хомоҕой тылынан тылбаастаабыттара кэрэхсэбиллээх. Ол гынан баран, күрэх ирдэбилигэр, сыалыгар сөп түбэспэтэх үлэлэр хомойуох иһин сыаналамматылар, кэнэҕэскитин бу итэҕэстэри туоратарга болҕомтолоох буоларга сүбэлиибит.
Инникитин бу бырайыакпыт таһыма сайдан, оҕолорбут ийэ тылларын иҥэринэн улааталларыгар, үөрэх хаачыстыбата үрдүүрүгэр төһүү күүс, тирэх буолуо диэн эрэнэбит.
Күрэх түмүгүнэн маннык түмүк таҕыста:
Төрөппүттэргэ:
Бастакы үрдэл
Иккис үрдэл
Үһүс үрдэл
Уһуйаан үлэһиттэригэр
Бастакы үрдэл
Иккис үрдэл
Үһүс үрдэл
|
