 Төҥүлүтээҕи “Олимпионик” оҕону сайыннарар киин көҕүлээһининэн Мэҥэ-Хаҥалас улууһун үөрэҕириитин салалтатын өйөөһүнүнэн “Ийэ тылбынан кэпсиибин” диэн уһуйаан саастаах оҕолорго Федеральнай үөрэх бырагыраамматыгар киирбит уус-уран айымньыны төрөөбүт тылынан тылбаастааһыҥҥа иитээччилэр уонна төрөппүттэр икки ардыларыгар аан бастакытын улуустааҕы күрэх буолан ааста.
Күрэх сүрүн сыалынан Федеральнай үөрэх бырагыраамматын (ФҮӨП) сүрүн чааһын саха уһуйааныгар көдьүүстээхтик киллэрии буолар.
Соруктара:
- Иитээччи, төрөппүт ийэ тылынан саҥатын байытыы, айар дьоҕуру сайыннарыы;
- Нуучча уонна атын омук уус-уран айымньытын оҕо сааһыгар сөп түбэһиннэрэн төрөөбүт тылынан тылбаастааһын;
- Дьиэ кэргэни кытары ситимнээх үлэни тэрийии.
Уус-уран айымньыны тылбаастааһыҥҥа уопсайа 89 үлэ киирбититтэн: 74 уһуйаан үлэһиттэрэ уонна 15 төрөппүт кыттыыны ыллылар. Үлэлэри МКТ “Мэҥэ-Хаҥалас улууһун үөрэҕириитин салалтатын” сүрүннүүр специалиһа Ларионова М.Н., Төҥүлүтээҕи оҕону сайыннарар киин сүрүннүүр иитээччитэ Шестакова С.Ф., иитээччи, ХИФУ тыл уонна саха тылын истилиистикэтин, тылбаас салаатын магистрана Сидорова М.И. сыаналаатылар. Күрэххэ кыттарга сүрүн ирдэбилинэн, Федеральнай үөрэх бырагыраамматыгар ыйыллыбыт 3-7-гэр дылы саастаах оҕолорго анаммыт остуоруйалары, кэпсээннэри, хоһооннору тылбаастааһын.
Дьүүллүүр сүбэ маннык критерийдэринэн үлэлэри сыаналаата: - тылбаастаммыт айымньы тыла-өһө тупсаҕайа, баайа, эриэккэһэ; оҕо сааһыгар сөп түбэһэн, истэн ылынарыгар тиийимтиэтэ, судургута; тылбаастанар айымньы грамматическай ирдэбилгэ сөп түбэһиитэ.
Күрэһи көрүү түмүгүнэн: кыттааччылар биллиилээх нуучча, омук суруйааччыларын иитэр-үөрэтэр үрдүк суолталаах айымньыларын саха оҕотугар төрөөбүт тылынан тиэрдиигэ ылсыбыттара олус кэрэхсэбиллээх. Тылбааска, литератураҕа дьоҕурдаах, оҕоҕо өйдөнөр хомоҕой тыллаах, айар талааннаах дьон баарыттан астынныбыт, үөрдүбүт. Ол быыһыгар күрэх ирдэбилигэр сөп түбэспэт үлэлэр эмиэ бааллар. Холобур сорох үлэ, туруору тылбаастаммыт (прямой перевод), этиигэ тыл бэрээдэгэ кэһиллибит, уус-уран айымньыны кэпсэтии истиилинэн суруллубут буолан айымньы ис хоһоонун ситэ арыйбатаҕын бэлиэтээтибит.
Бу тэрээһиммититин салгыы сайыннаран саха тылын истилиистикэтин уонна тылбаас хаапыдыратын доцена, филологическэй наука кандидата Васильева Акулина Александровнаны кытта сотору кэминэн онлайн-семинар былааннаатыбыт.
Инникитин бу бырайыакпыт таһыма үрдээн, оҕолорбут ийэ тылларын иҥэринэн улааталларыгар, үөрэх хаачыстыбата үрдүүрүгэр төһүү күүс, тирэх буолуо диэн эрэнэбит.
Күрэх түмүгэ:
Төрөппүттэргэ:
Иккис үрдэл
- Олесова Айыына Ивановна МБДОУ Балыктахский дс "Звёздочка".
Үһүс үрдэл
- Харитонова Марфа Александровна МБДОУ Балыктахский дс "Звёздочка"
- Чалкина Анастасия Ивановна, Чалкин Егор Семенович МБДОУ Балыктахский дс "Звёздочка"
- Лазарева Анна Егоровна МБДОУ "Тюнгюлюнский ЦРР-дс "Олимпионик"
- Заровняева Екатерина Дмитриевна МБДОУ Майинский дс "Чуораанчык"
Уһуйаан үлэһиттэригэр
Бастакы үрдэл
- Афанасьева Надежда Николаевна МБДОУ "Майинский ЦРР - д/с "Сардаана";
- Олесова Вера Прокопьевна МБДОУ "Тюнгюлюнский ЦРР-дс "Олимпионик";
- Попова Нарыйа Николаевна МБОУ "Мельжехсинская СОШ им А. В. Чугунова";
- Иванова Айталина Агитовна МБДОУ "Тюнгюлюнский ЦРР-дс "Олимпионик".
Иккис үрдэл
- Бочкарева Маргарита Владимировна МБДОУ Нижне-Бестяхский дс "Солнышко";
- Пермякова Айталина Михайловна МБДОУ "Тюнгюлюнский ЦРР-дс "Олимпионик";
- Маркова Варвара Семеновна МБДОУ Павловский дс "Лена";
- Баягантаева Вера Николаевна МБДОУ "Тюнгюлюнский ЦРР-дс "Олимпионик".
Үһүс үрдэл
- Семенова Капиталина Константиновна МАДОУ "Майинский ЦРР-д/с "Кэнчээри";
- Сивцева Айталина Николаевна МБДОУ "Павловский детский сад "Лена";
- Оконешникова Мария Максимовна МБДОУ "Тюнгюлюнский ЦРР-дс "Олимпионик";
- Чугунова Нария Афанасьевна МБДОУ Нижне-Бестяхский дс "Солнышко";
- Сергеева Ирина Ивановна МБДОУ Бютейдяхский ЦРР -д/с"Чэчир";
- Чиркова Саргылана Прокопьевна МБДОУ Балыктахский дс "Звёздочка";
- Жиркова Сардаана Иннокентьевна МБДОУ Майинский дс "Чуораанчык";
- Стручкова Саргылана Васильевна МБДОУ Балыктахский дс "Звёздочка";
- Борисова Нюргуяна Павловна "Тюнгюлюнский ЦРР-дс "Олимпионик";
- Егорова Таисия Ивановна МБОУ "Мельжехсинская СОШ имени А.В.Чугунова";
- Ильина Айталина Юрьевна МАДОУ "Майинский ЦРР-д/с "Кэнчээри".
|
