Алтынньы 21 күнүгэр Майатааҕы “Сардаана” оҕону сайыннарар кииҥҥэ Россияҕа Аҕа дойдуну көмүскээччи, Саха Өрөспүүбүлүкэтигэр Ийэ дойдуну көмүскээччи, Мэҥэ-Хаҥалас үөрэҕэриитин ситимигэр методическэй сулууспа тэриллибитэ 85 сылларыгар аналлаах үһүс төгүлүн “Идэ ситимэ” улуустааҕы оскуола иннинээҕи үөрэхтээһин педагогтарын профессиональнай күрэһэ ыытылынна.

Күрэһи Мэҥэ-Хаҥалас улууһун үөрэҕириигэ салалтата, үөрэх үлэһиттэрин биир идэлээхтэр сойуустара, Майатааҕы “Сардаана” оҕону сайыннарар киин-оҕо саада тэрийдилэр.

Конкурска улуус тоҕус кустовой методическай холбоһугуттан 10 хамаанда кэлэн илин-кэлин түһүстүлэр, билиилэрин-көрүүлэрин хаҥаттылар, үлэ уопутун атастастылар.

Бу профессиональнай күрэҕи сыаналаатылар:

• Ларионова Мария Николаевна - улуустааҕы үөрэҕирии салалтатын информационно-методическай отделын сүрүн специалиһа;
• Дьяконова Феврония Михайловна - Майатааҕы “Кэнчээри» оҕону сайыннарар киин иитээччитэ, «Идэ ситимэ-2024» күрэс кыайыылааҕа;
• Романова Татьяна Ивановна - Майатааҕы “Сардаана” оҕону сайыннарар киин сүрүннүүр иитээччитэ.

Күн бастакы аҥаарыгар хамаандалар бэлэмнэрин, сатабылларын үс түһүмэххэ тургутан көрдүлэр:

1 түһүмэх - “Бэйэни билиһиннэрии” - самопрезентация;

2 түһүмэх - “Бииргэ ааҕабыт”;

3 түһүмэх - “Мин тылым - мин баайым” тылынан батл.

Күн иккис аҥаарыгар хамаандалар “Педагогическая мастерская” бэйэ айбыт методическай босуобуйаларын, оонньууларын уонна оонньуурдарын көмүскээтилэр.

5 түһүмэххэ “Идэ ситимэ” профессиональнай кэпсэтии оскуола иннинээҕи үөрэхтээһин саҥа докумуонугар “Программа просвещения родителей (законных представителей) детей дошкольного возраста, посещающих ДОО” олоҕуран тэрилиннэ.

Күрэһи уһуйаан иитиллээччилэрэ хомоҕой хоһооннорунан, ылбаҕай ырыаларынан киэргэттилэр.

"ИДЭ СИТИМЭ" күрэс түмүгүнэн:

Бүтэйдээхтээҕи “Чэчир” оҕону сайыннарар киинтэн “Чэчир” хамаанда, иитээччилэр Маркова Светлана Николаевна, Степанова Варвара Александровна үһүс миэстэ.

Балыктаах кустовой методическай холбоһугуттан Маттатааҕы “Ньургуһун” оҕо саадын “Тымтык” хамаандата, иитээччилэр Данилова Иванна Ивановна, Протодьяконова Индигира Витальевна иккис миэстэ.

Төҥүлүтээҕи “Олимпионик” оҕону сайыннарар киинтэн “Үрдэл” хамаанда, иитээччилэр Олесова Вера Прокопьевна, Пермякова Айталина Михайловна бастакы миэстэ буолары ситистилэр.

Анал ааттары үрдүктүк сүктүлэр:

• “Көрөөччүлэр биһирэбиллэрэ”, “Идэҕэ бэринии” анал ааттары Табаҕа кустовой методическай холбоһугуттан “Кэскил” оҕо саадын “Кэскил” хамаандата (Григорьева Василиса Никифоровна, Васильева Ульяна Ивановна) ылары ситистэ;
• “Саҥаны саҕааччы” анал ааты Наахара кустовой методическай холбоһугуттан С.Н. Михайлов аатынан Чыамайыкы орто оскуолатын “Катюша” уһуйаанын “Ситим” хамаандата (Илларионова Нарыйа Константиновна, Дьячковская Аграфена Константиновна) ылла;
• “Кэрэхсэбиллээх ааҕааччы” анал ааты Хорообут кустовой методическай холбоһугуттан Баатара “Кэскил” оҕо саадын “Кэскилээнэ” хамаандата (Попова Марфа Прокопьевна, Винокурова Ирина Дмитриевна) ылла.
• “Бастыҥ уһуйааччы” анал аат хаһаайынынан Приленскай кустовой методическай холбоһугуттан Хаптаҕайдааҕы “Хомусчаан” оҕону сайыннарар киин “Сердцем к Родине” хамаандата (Васильева Мария Николаевна, Афанасьева Дария Ивановна) буолла.
• “Айымньылаах дьүөрэлэһии” анал ааты Хара кустовой методическай холбоһугуттан Харатааҕы “Кэрэчээн” оҕо саадын “Кэрэчээн” хамаандата (Попова Евдокия Гаврильевна, Филиппова Надежда Петровна) ылла.
• “Дьоҕур. Сатабыл. Иэйии” анал ааты Майа кустовой методическай холбоһугуттан Майатааҕы “Мичил” оҕону сайыннарар киин “МичКолLab” хамаандата (Егорова Александра Егоровна, Николаева Светлана Петровна) сүктэ.
• “Сайдар сатабыл” анал аат хаһаайына Аллараа-Бэстээхтээҕи “Сказка” оҕо саадын “Дружба” хамаандата (Петрова Февронья Дмитриевна, Баишева Христина Васильевна) буолла.

Бары кыттыбыт педагогтар бүгүҥҥү көрсүһүүттэн элбэх саҥаны арыйан, билии-көрүү ылан, дуоһуйан тарҕастылар.