Ахсынньы 1 күнүгэр К.О. Гаврилов аатынан Бүтэйдээх орто оскуолатыгар Гавриловскай үөрэнээччилэр ааҕыылара буолан ааста. Быйылгы ааҕыылар уратылара диэн кэтэхтэн ыытылынна. Олохтоох оҕолор аахтылар, атын оскуола оҕолорун дакылааттарын Дьүүллүүр Сүбэ быһаарда. Ааҕыы үөрүүлээх аһыллыытыгар оскуола 2024 с. К.О. Гаврилов лауреаттарынан учууталларга Римма Егоровна Федорова, үөрэнээччилэргэ Павлова Вера буоллулар.

К.О. Гаврилов кыыһа академик М.К. Гавриловаҕа ананар экология уонна география секциятыгар 11 оҕо үлэтэ сыаналанна. Лауреаттарынан Бүтэйдээхтэн Степанова Сайаана, Маттаттан Кычкина Даяна, Павлова Влада.

Суруйааччы К.О. Гавриловка анаммыт филология секциятыгар 12 оҕо үлэтэ көрүлүннэ. Лауреаттарынан Алтан оскуолатыттан Аргунов Сандал, Бүтэйдээхтэн Татаринова Илона ааттаннылар.

Үһүс историческай секцияҕа 29 оҕо кытынна. Элбэх үлэттэн экспердар лауреттарынан Бүтэйдээхтэн Соловьев Данилы, Павловскайтан Сазонова Каринаны таллылар.

Экономист, кооператор Гавриловка анаммыт экономика секциятыгар 5 эрэ оҕо кыттан бары бириистээх миэстэҕэ тигистилэр, лауреатынан Бүтэйдээх оҕото Соловьев Артем буолла.

Уруккаттан саамай элбэх оҕо начальнай кылаастан кытталлар. Кинилэр төрөппүттэр дьүүллүүр эмиэ 4 секциялаахтар. Лауреаттарынан Сатаҕайтан Аммосова Вика, Бүтэйдээхтэн Аргунова Клава буоллулар. Иккис кылаас үөрэнээччитэ Попов Айтал икки секцияны кыайан хайҕанна.

Кыайыылаахтар, миэстэлэспиттэр бары дипломнарынан уонна бириистэринэн бэлиэтэннилэр. Улууска Гавриловскай ааҕыылар өй үлэтин дьоһуннуу бэлиэтиир ааҕыынан биллэр. Онуоха биһиги спонсардабытыгар улахан махтал!

К.О. Гаврилов аатынан Бүтэйдээх орто оскуолатын пресс-киинэ