Кулун тутар 18 күнүгэр Мэҥэ-Хаҥалас улууһугар уһуйаан саастаах оҕолорго «FIRST ROBOTICS CHAMPIONSHIP-САХАЛИН 6:0» робототехника күрэҕэ «Лига открытий» хайысхаҕа кэтэхтэн көрүүтэ түмүктэннэ.

Быйылгы күрэх «Богатый урожай» теманан ыытылынна. Бу манна оҕолор проект, постер оҥорон инженернай тэтэрээттэри толорбуттарын көмүскээтилэр, кэпсээтилэр. Быйыл улууспут 5 уһуйаана хамаанда туруоран кытыннылар. Күрэҕи 3 эксперт көрдүлэр, сыаналаатылар. Чемпионат экспертарынан буоллулар:

1. Решетникова Зинаида Валерьевна, И.Г. Тимофеев аатынан Майа лиссиэйин информатикаҕа учуутала.

2. Васильева Любовь Марковна, Мэҥэ-Хаҥалас үөрэҕирии управлениятын профориентацияҕа специалиһа.

3. Горохов Сергей Николаевич, В.П. Ларионов аатынан Майа орто оскуолатын научнай инновационнай үлэҕэ директоры солбуйааччы.

Түмүккэ:

1 миэстэни «Бес Тим» – «Сложность и оформление» номинация хаһаайыттара буоллулар Аллараа Бэстээхтээҕи «Сказка» уһуйаан, тренердар Степанова Мария Николаевна, Захарова Мария Борисовна.

2 миэстэни «МайТут» - «Креативные идеи» номинация кыайыылаахтара буоллулар Майатааҕы «Кэнчээри» оҕону сайыннарар киин, тренердар Бурцева Людмила Валерьевна, Оконешникова Оксана Давидовна.

3 миэстэни «БРИКС ТИМ» - «Командный дух» номинация кыайыылаахтара буоллулар Майатааҕы «Чуораанчык» уһуйаан, тренердар Нестерова Ирина Ивановна, Жиркова Сардаана Иннокентьевна.

4 миэстэни «Чолбон» - «Стремление к Победе» номинацияны ыллылар Харатааҕы «Кэрэчээн» уһуйаан, тренер Филиппова Надежда Петровна.

5 миэстэ «Best строй»- «Стремление к знаниям» номинация хаһаайыттара буоллулар Аллараа Бэстээхтээҕи «Солнышко» уһуйаан, тренердар Винокурова Ангелина, Терентьева Елена Егоровна.

Салҕыы бу хамаандалар кулун тутар 20 күнүгэр Аллараа Бэстээххэ «IT-CUBE” цифровой үөрэхтээһин киинигэр ыытыллар илин эҥэрдээҕи отборочнай чемпионатка кыттар чиэстэннилэр. Хамаандаларга барыгытыгар ситиһиини баҕарабыт.