Убаастабыллаах коллегабыт, наставникпыт

Степан Андреевич!

Эйиигин Мэҥэ-Хаҥалас улууһун педагогическай общественноһын аатыттан үөрүүлээх үбүлүөйгүнэн итиитик-истиҥник эҕэрдэлиибит!

Эн учуутал, салайааччы, методист, профсоюзнай лидер быһыытынан төрөөбүт дойдугар, Мэҥэ-Хаҥалаһын улууһугар ыччаты иитиигэ-үөрэтиигэ, учууталлар идэлэрин үрдэтиигэ, үөрэҕирии үлэһиттэрэ социальнай өттүнэн туруктаах буолууларын хааччыйыыга, үлэни-сынньалаҥы дьүөрэлээһиҥҥэ билиигин-көрүүгүн, сатабылгын анаатын.

Түбүктээх үлэн таһынан Эн дьоҥҥор-сэргэҕэр улуус үөрэҕириитин, профсоюз историятын кэпсиир, бэйэҥ олоххун, үлэҕин, сөбүлүүр дьарыктаргын билиһиннэрэр дьоһун кинигэлэри суруйан бэлэхтээбиккин үрдүктүк сыаналыыбыт.

Убаастабыллаах Степан Андреевич!

Доруобай-чэгиэн сырыт, уһун үйэлэн, айар үлэ абылаҥа арахсыбатын, салгыы айа-тута сырыт, саҥаттан саҥа дьоҥҥор-сэргэҕэр тирэх буолар айымньылары күүтэбит. Биһиги Эйиэхэ, улуу үлэһиккэ, наставникпытыгар сүгүрүйэбит. Эн бэйэҥ дьоҕургун, талааҥҥын бүүс-бүтүннүү үүнэр көлүөнэни иитиигэ, педагог статуһун үрдэтиигэ анаабыт олоҕуҥ барыбытыгар үтүө холобур, үөрэппит оҕолоргор, кэллиэгэлэргэр үгүс сыллар тухары уостан түспэт номох буолуохтара.

Үөрэҕирии салалтатын начальнигын э.т. Н.Л.Никифоров

Сэтинньи 15 күнэ, 2022 с. Майа с.