Мэҥэ–Хаҥалас улууһугар сүдү, улуу дьоннорбут ааттарын үйэтитиигэ аналлаах С.З.Борисов аат. оскуола “Сардаҥа” драматическай куруһуогун айар үлэтин 25 сылын бэлиэтиир «Дойду сурахтаах, алаас ааттаах» диэн “Саха саарынын” аатын сүгэр оскуолалар Өрөспүүбүлүкэтээҕи «Утум» түмсүүгэ киирбит үөрэх кыһаларын үөрэнээчилэригэр аналлаах, уус–уран туруоруу конкурус 2018 с. сэтинньи ый 30 күнүгэр I-Тыыллыма сиригэр үрдүк тэрээһиннээхтик ыытылынна.

“Дойду сурахтаах, алаас ааттаах” конкурус сыала: сүдү, улуу дьон үлэлэрин, олохторун сырдатыы, үйэтитии уонна тарҕатыы.Конкурус оскуолалара аатын сүгэр саарыннарын сырдатыы 15-20 мүнүүтэлээх буолла. Уопсайа 7 оскуола кыттыыны ылла: Тиэлиги, Тумул, Табаҕа, Тыыллыма, Матта, Майа, Хорообут. Ол курдук көрдөрдүлэр: С.З.Борисов аат. Тыыллыма орто оскуола “Үөрэх – сайдыы төрдө», сал. Чичахова Елена Васильевна, Тиэлиги «Умнуллубат үтүөлээх» Петров Родион Алексеевичка, сал. Никитина Елена Афанасьевна, Т.Г.Десятки аат. Тумул орто оскуола «Мин биир дойдулааҕым» сал. Птицына Евдокия Трухановна, Слепцова Лена Сталовна, Титова Любовь Дмитриевна, Е.Д.Кычкин аат. Матта орто оскуолата «Вся его жизнь – устремленность в будущее...» литературно-музыкальный монтаж, сал. Шергина Любовь Петровна, Десяткина Парасковья Владимировна. Дмитрий Таас аат. Хорообут орто оскуола «Дмитрий Таас сиэннэрэбит» сал. Трофимова Елизавета Егоровна, Бугаева Виктория Николаевна. В.П.Ларионов аат. Майа орто оскуола «Алаас уола Болуодьа» сал. Ефремова Ульяна Максимовна, Кривошапкина Валентина Федоровна. Р.А.Бурнашев аат. Табаҕа орто оскуола «Дорогу осилит идущий» литературнай – композиционнай туруоруу, сал. Белолюбская Маргарита Семеновна.

Дьүүллүүр сүбэҕэ үлэлээтилэр:

Николаев Анатолий Павлович, СӨ народнай артыыһа, П.А.Ойуунскай аатынан Саха Академическай театрын салайааччыта. Васильев Василий Егорович- Харысхал, СӨ народнай суруйааччыта. Кириллин Афанасий Павлович, СӨ норуотун хаһаайыстыбатын үтүөлээх үлэһитэ, “Семен Борисов» кинигэ автора. Лепчиков Николай Васильевич, СӨ норуотун хаһаайыст ыбатын үтүөлээх үлэһитэ, I- Тыыллыма Попечителларын советын председателя. Баишев Юрий Петрович, п.н.к., СӨ физическай культуратын уонна спордун үтүөлээх үлэһитэ, Ил–Түмэн дьокутаата. Максимова Надежда Афанасьевна, Мэҥэ – Хаҥалас улууһун Культура уонна духуовнай сайдыы управлениятын начальнигын солбуйааччы. Билюкина Марианна Юрьевна Мэҥэ – Хаҥалас улууһун Эбии үөрэхтээһин киинин салайааччыта.

Хас биирдии оскуола оонньуур кэмигэр экранҥа Саха саарына, туох киһитэ тылынан суруллан, хаартыската көһүннэ. Уус – уран туруоруулары икки блокка арааран 1911сс.-2003сс. сценаҕа таһаардыбыт. Туруорууга 98 оҕо, уопсайа 130-ча киһи кыттыыны ылла. Ол күн фотограф үлэлээтэ, Саха НВК оҕолортон, салайааччылартан интервью ылла, туруоруулары уһулла.

Конкурус түмүгүнэн кыайыылаахтар дипломнары, сыаналаах бириистэри туттулар: “Бастыҥ музыканан айымньыны киэргэтии” Р.А.Бурнашев аат. Табаҕа орто оскуола, Мэҥэ Хаҥалас үөрэҕириитин управлениятын анал бирииһэ, “Ураты көрүү” Т.Г.Десяткин аат. Тумул орто оскуола, Лепчиков Н.В. анал бирииһэ, “Бастыҥ туруоруу” С.З. Борисов аат.орто оскуола, Мэҥэ Хаҥалас улууһун үөрэҕириитин үлэһиттэрин профсоюһун анал бирииһэ, “Бастыҥ уол оруола” Шишигин Коля, С.З.Борисов аат. Тыыллыма орто оскуола, Кириллин А.П. анал бирииһэ, “Бастыҥ кыыс оруола” Санникова Юлия, Р.А.Бурнашев аат. орто оскуола, I Тыыллыма дьаһалтатын анал бирииһэ.