Кулун тутар 25-26 куннэригэр Амма улууһун Болугур орто оскуолатыгар Илин эҥэр улуустар оскуолаларын икки ардыларыгар «Дьоҕур-2024» Фестиваль үрдүк таһымнаахтык ааста. 4 улуустан 5 хамаанда күрэхтэстилэр: Таатта, Чурапчы, Мэҥэ Хаҥалас, Амма 1, Амма 2.

VI кылаастарга икки күннээх математика олимпиадатын түмүгүнэн Петрова Надя, Наахара орто оскуолата - 3 миэстэ, VII кылаастарга - Баишев Артем, Төҥүлү орто оскуолата - 1 миэстэ, Захаров Арылхан, Чыамайыкы орто оскуолата 3 миэстэ буоллулар. VIII кылаастарга математика олимпиадатыгар Ваня Гаврильев, Төҥүлү орто оскуолата 1 миэстэ, физикага Урсун Романов, Дьабыыл орто оскуолата 3 миэстэ.

VIII кылаастарга улууспут хамаандата физмат бойга 1 миэстэ буолары ситистэ. Уопсай түмүккэ Мэҥэ Хаҥалас хамаандата 1 миэстэ буолла. Ону таһынан оҕолор «Лучший оппонент», «Лучший докладчик» номинацияларга тигистилэр

Оҕолору салайан илдьэ сылдьыбыт Петрова Анастасия Ивановнаҕа, Наахара орто оскуолатын физика учууталыгар, оҕолору бэлэмнээбит учууталларга, Матта орто оскуолатын администрациятыгар барҕа махталбытын тириэрдэбит.

Илин эҥэр улуустарын сүүмэрдэммит хамаанадата бу ый бүтэhик күннэригэр Дьокуускай куоракка республиканскай этапка кыттыыны ылыахтара. 10 оҕолоох хамаандаҕа 3 оҕо биhиги улууспутуттан сүүмэрдэннэ. Оҕолорбутугар ситиhиилэри баҕарыаххайыҥ!

Дьоҕурдаах оҕолору кытта үлэни сүрүннүүр Киин