Майа лицейин Г. П. Хабаров салайааччылаах «Дабаан» спорт кулууба бу сайын Саха республикатын оскуолалар икки ардыларыгар күрэххэ кыайыылаах үрдүк аатын ылбыта.

Алтынньы 7 күнүгэр Саха сирин чиэһин көмүскүү Челябинскай куоракка Бүтүн Россиятааҕы бастакы оскуола спортивнай кулууптарын күрэхтэһиитигэр айаҥҥа турунна. Барыта алтыс, сэттис, ахсыс, тохсус кылаастартан 20 оҕо, 3 салайааччы буолан көттүлэр. Россия 12 регионуттан оскуола спортивнай кулууптарын командалара кытталлар.

Оҕолор регби, бадминтон онтон да атын спорт көрүҥнэригэр күрэх былдьаһыахтара.

Оҕолор үөрэх программатыттан хаалбаттарын туһуттан «Сloud» технологиянан тиһигин быспакка үөрэниэхтэрэ диэн Майа лицейин учууталлара, үс таһымнаах сорудах оҥордулар.

Үөрэнээччилэргэ, салайааччыларга үрдүк ситиһиини, интэриэһинэй түгэннэри, умнуллубат көрсүһүүлэри баҕарабыт.

Майа лицейин коллектива.