Бүгүн, кулун тутар 15 күнүгэр сааскы чаҕылхай күҥҥэ М.И. Брызгалова аатынан Майатааҕы оҕо бибилэтиэкэтигэр үгэс буолбут "Чобуо чооруостар" улуустааҕы куонкурус ыытылынна. Быйылгы куонкуруспут Арассыыйа Суруйааччыларын сойууһун чилиэнэ, Саха Өрөспүүбүлүкэтин үөрэхтээһинин туйгуна, оҕо литературатыгар Н.Е. Мординов -Амма Аччыгыйа аатынан Судаарыстыбаннай бириэмийэ лауреата, Учууталлар учууталлара, Мэҥэ Хаҥалас улууһун Бочуоттаах олохтооҕо, оҕо - аймах тапталлаах суруйааччыта Константин Ильич Сосин төрөөбүтэ 80 сааһыгар ананна.

Константин Сосин оҕолорго, ордук кырачааннарга поэзията сырдык, ыраас, эйэҕэс буоларын хас биирдии хоһооно бэйэтэ кэпсиир. Ол курдук, "Эбэм, эһэм аахха", "Бойтоҥо - ыстаҥа", "Биэлсэр Нарыйа остуоруйалара", "Умнуллубат мичээр", "Хатынь куолакаллара" айымньыларынан сахалыы оҕо литературатын байытыспыт, сэргэхсиппит бэйиэт быһыытынан сыаналанар. Куонкуруска улууспут нэһилиэктэриттэн Майаттан, Хараттан, Чүүйэттэн, Төҥүлүттэн, Павловскайтан, Мэлдьэхситтэн, Бүтэйдээхтэн, Хорообуттан, Төхтүртэн уонна Тыыллыматтан хомоҕой хоһоонньуттар кыттыыны ыллылар. Хоһоон ааҕыытын сыаналаатылар: үрдүк категориялаах логопед-учуутал С.С.Алексеева, СӨ Суруйааччыларын сойууһун чилиэнэ, үрдүк категориялаах иитээччи И.Н. Николаева - Угинка, М.И. Брызгалова аатынан Майатааҕы оҕо бибилэтиэкэтин сэбиэдиссэйэ О.Н. Дьяконова.

Куонкурус түмүгүнэн Кылаан бириис - Нестеров Айгылаан, Чүүйэтээҕи "Чэчир" оҕо уһуйаана;

I миэстэ - Федоров Саша, Майатааҕы "Кэнчээри" оҕону сайыннарар киин;

II миэстэ - Ильин Алгыстаан, Майатааҕы "Кэнчээри" оҕону сайыннарар киин;

II миэстэ - Дьячковская Милена, Майатааҕы "Сардаана" оҕо уһуйаана;

III миэстэ - Шестакова Тупсууна, Дм.Таас аатынан Хорообут оскуола-саада;

III миэстэ - Лукина Оля, Бүтэйдээхтээҕи "Чэчир" оҕо уһуйаана;

III миэстэ - Маркова Айсаана, Майатааҕы "Чуораанчык" оҕо уһуйаана;

Биһирэбил бириис:

- Попова Элина, Павловскай, "Мичээр" оҕо уһуйаана;

- Сотников Герман, Майа, "Чуораанчык" оҕо уһуйаана;

- Николаева Таптал, Майа, "Чуораанчык" оҕо уһуйаана;

- Аммосова Амелия, Павловскай, "Лена" оҕо уһуйаана;

- Баишева Дайаана, Төҥүлү, "Олимпионик" оҕону сайыннарар киин;

- Макаров Денис, Майа, "Кэнчээри" оҕону сайыннарар киин;

- Ушницкая Саяна, Майа, "Кэнчээри" оҕону сайыннарар киин.

Бары кыттааччыларга Туоһу суруктар, кыайыылаахтарга кинигэ бэлэхтэр туттарылыннылар. Кырачаан кыттааччыларбытыгар ааҕыы хонуутугар суол тэлэллэн, кинигэни кэрэхсиир, саҥа саҕахтары арыйар, үрдүк чыпчааллары ситиһэр, билии киэҥ аартыгар эрэллээхтик хардыылыыр, кинигэ доҕордоох дьон буола улааталларыгар баҕарабыт! Оҕолору бэлэмнээн кэлбит уһуйаан иитээччилэригэр, төрөппүттэригэр барҕа махталбытын биллэрэбит.